Saga - 2004, Blaðsíða 40

brautin hefði legið nánast á sama stað og núverandi N/S-flugbraut
Reykjavíkurflugvallar.66 Það þýðir að fylgt hefur verið þeim áform-
um sem skipulagsnefnd og bæjarráð höfðu samþykkt í mars 1940
(sjá mynd 2).
Í bréfi Agnars til atvinnu- og samgöngumálaráðuneytisins 27.
september 1940 sagði að N/S-braut fyrirhugaðs flugvallar væri „að
mestu full rudd“ en eftir væri að ljúka við að slétta hana og mætti
búast við að landflugvélin gæti byrjað að nota brautina innan
tveggja vikna. Verkið var að mestu unnið í sjálfboðavinnu en bein
fjárútlát Flugfélags Íslands voru engu að síður talsverð og féllst ráðu-
neytið á að greiða félaginu nokkra upphæð á móti kostnaðinum.67
Þótt um bráðabirgðaflugbraut væri að ræða höfðu Íslendingar
aldrei áður staðið fyrir jafnumfangsmiklum framkvæmdum í flug-
vallargerð en atvikin höguðu því svo að flugfélagið notaði nýju
brautina lítið sem ekkert.
Bretar taka við
Hinn 14. október 1940 vakti Valgeir Björnsson bæjarverkfræðingur
athygli Bjarna Benediktssonar borgarstjóra á því að breska her-
námsliðið hefði hafið flugvallargerð á sama svæði og íslenskir flug-
málamenn voru að ljúka við gerð bráðabirgðaflugbrautar. Valgeir
sagðist að vísu ekki vita hve umfangsmiklar framkvæmdir væru
ráðgerðar en að líkindum yrðu þær kostnaðarsamar „því að ég
hygg að ástæðan fyrir þessu sé sú, að flugvöllur sem unnið hefir
verið að á Kaldaðarnesi reynist óhæfur þegar hausta tekur.“ Lagði
Valgeir til að málið yrði rætt við ríkisstjórnina.68
Strax eftir hernámið hófu Bretar að byggja flugvöll í Kaldaðar-
nesi í Flóa og átti hann að verða miðstöð breska flughersins á land-
inu. Þetta var allmikið mannvirki með þremur flugbrautum, um
1000 metra löngum. En fljótlega kom í ljós að staðurinn hentaði illa
fyrir slíka starfsemi með tilliti til samgangna og hann var óþægi-
lega fjarri meginheraflanum í Reykjavík. Starfsemi á flugvellinum
A R N Þ Ó R G U N N A R S S O N40
66 Viðtal. Bergur G. Gíslason, 12. des. 2001.
67 ÞÍ. Stj. Í. II. Atvinnu- og samgöngumálaráðuneyti. Dagbók 13, nr. 5. Agnar
Kofoed-Hansen til atvinnu- og samgöngumálaráðuneytisins, 27. sept. og 11.
des. 1940. Atvinnu- og samgöngumálaráðherra til Agnars Kofoed-Hansens,
18. des. 1940 (afrit).
68 BsR. Aðfnr. 3398. Valgeir Björnsson til Bjarna Benediktssonar, 14. okt. 1940.
Saga haust 2004 - NOTA 30.11.2004 11:32 Page 40