Saga - 2004, Blaðsíða 30

Bessastaðanesi (hluti af Álftanesi og gengur út í Skerjafjörð gegnt
Skildinganesi) voru að ýmsu leyti góð skilyrði og hægt að sameina
sjóflug og landflug, en hins vegar þótti nesið óþægilega fjarri
Reykjavík með tilliti til samgangna. Einnig hefði þurft að lækka
miðhluta landsins um nokkra metra og hækka það annars staðar
með ærnum tilkostnaði. Hraunið sunnan Hafnarfjarðar var enn
fjær Reykjavík og of kostnaðarsamt var talið að leggja brautir þar
þótt hraunið væri um margt tilvalin undirstaða (er burðarmikið og
hleypir vatni í gegnum sig).
Þótt aðstaðan sem Svifflugfélag Íslands (stofnað 1936) hafði útbú-
ið (með aðstoð Vegagerðarinnar) á Sandskeiði hefði reynst vel til
æfingaflugs að sumarlagi leiddi athugun í ljós að þar væri útilokað
að stunda vetrarflug vegna vatnsaga og snjóþyngsla. Nálægð við
Vífilsfell og Bláfjöll gat auk þess skapað hættu í misjöfnum veðrum
og enn fremur þótti staðurinn of fjarri bænum til að geta orðið mið-
stöð innanlandsflugs. Meginókosturinn við flatirnar upp af Hólmi
norðan Rauðhóla og melana við Ártún var fyrst og fremst takmark-
að landrými undir flugbrautir. Um Vatnsmýrina sagði orðrétt í
skýrslunni:
Vatnsmýrin er að vísu ekki allskostar ákjósanleg sem flugvöll-
ur. Í fyrsta lagi eru þegar nokkur hús sem telja má að sjeu til
óþæginda, vegir og hugsaðir vegir eru lagðir nær brautunum
en æskilegt væri. Landið getur eðlilega talist verðmætt á þess-
um stað, en fyrir þá sem trúa á flug í framtíðinni, eru þetta alt
smámunir. Flugsamgöngur eru nú orðnar svo algengar út um
heiminn, að flestar borgir mundu telja sig sælar, ef þær gætu
komið sjer upp flugvelli tiltölulega nálægt aðalhverfum borg-
arinnar. Þannig liggur Vatnsmýrin að kalla má rjett við miðbæ-
inn, en þó svo vel aðskilin honum. Til munu þeir vera, sem sjá
eftir að ekki verður hægt að byggja há hús í útjaðri Vatnsmýr-
arinnar, því þau mundu trufla flugið. En þeir athuga ekki, að
landrými er ennþá nóg í kringum bæinn, þó ekki sje byggt á
þessum eina bletti.36
Þarna eru nefnd nokkur veigamikil rök sem æ síðan hafa verið
áberandi í umræðunni um framtíð Reykjavíkurflugvallar. Rökin
með vellinum eru nálægð hans við miðbæinn og nægilegt annað
byggingarland í nágrenni bæjarins en mótrökin eru nálægð húsa og
A R N Þ Ó R G U N N A R S S O N30
36 BsR. Aðfnr. 3398. Gústaf E. Pálsson til skipulagsnefndar, 25. jan. 1939. — Skst.
Fundargjörðabók skipulagsnefndar 1938–1941, 8. febr. 1939.
Saga haust 2004 - NOTA 30.11.2004 11:32 Page 30