Dagblaðið Vísir - DV - 19.01.2018, Qupperneq 47

Brot af því bestaHelgarblað 19. janúar 2018 KYNNINGARBLAÐ
Gallery Pizza er gamalgróinn veitingastaður í hjarta Hvolsvallar, stofnaður upp
úr 1990, af þeim Þorsteini Jónssyni
og Ingólfi Ingólfssyni. Núverandi
eigendur staðarins, hjónin Sigurður B.
Guðmundsson og Jaroon Nuamnui,
keyptu reksturinn árið 2012 og hafa
kappkostað að halda í þær venjur
sem fært hafa staðnum vinsældir í
gegnum tíðina, ásamt því að byggja
hann upp og þróa áfram.
„Hér eru margir fastir viðskiptavinir,
t.d. fólk úr sveitinni, og heimamenn
eru afskaplega duglegir að stunda
þennan stað. Þess vegna hefur verið
hægt að hafa hann opinn allt árið um
kring í gegnum árin. Erlendir ferða-
menn eru síðan mikil viðbót. En fólk
kann vel að meta að hér sé haldið í
hefðirnar sem sköpuðust fyrstu árin,
sem lýsir sér meðal annars í kjör-
orðinu „matarmikið og vel útilátið“.
Svona í bændastíl,“ segir Sigurður B.
Guðmundsson, en Gallery Pizza er
þekktur fyrir í senn fjölbreyttan, vel
útilátinn og bragðgóðan mat.
„En um leið og við höldum í hefðirn-
ar þá byggjum við líka upp og mæt-
um aukinni aðsókn sem hefur verið
undanfarin ár enda mikil uppbygging
og gróska í héraðinu sem við njótum
góðs af. Til dæmis byggðum við hér
huggulega útiaðstöðu sem er mikið
notuð á sumrin,“ segir Sigurður.
Á Gallery Pizza eru yfir 20 tegund-
ir af pizzum í boði. „Síðan velur fólk
sér líka oft það sem það vill á sína
pizzu og setur hana þannig saman
sjálft. En það má nefna til sögunnar
þrjár pizzur sem hafa notið gífurlegra
vinsælda í gegnum tíðina og heita
allar dálítið sérstökum nöfnum. Ein
sú frægasta er Hraun – Lava, sem
er afskaplega vinsæl, en á henni er
pepperóní, sveppir, hvítlaukur, jala-
peno, rjómaostur og grænar ólífur.
Gallery Djúsí er önnur fræg, hún
er með pepperóní, sveppum, lauk,
ananas og piparosti. Síðan er hér
fornfræg pizza sem heitir Fjallamjólk
og er mjög vinsæl í sveitinni. Hún er
með pepper óní, ananas, beikoni og
chili-kryddi. Sjávarrétta pizzan er líka
afar vinsæl,“ segir Sigurður. Pizzurnar
á Gallery Pizza hafa sín sérkenni sem
finnast ekki annars staðar: „Þetta
eru alvöru pizzur. Við gerum allt frá
grunni og samkvæmt uppskriftun-
um sem voru hér í upphafi. Botninn
er milliþykkur og eins og karlarnir
segja oft þegar þeir hringja og panta:
„Hafðu þetta vel útilátið á köntunum.“
Pizzurnar okkar eru bragðmiklar og
matarmiklar og Jaroon handsker allt
grænmetið til að ferskleikinn haldi sér
sem best.“
Margvíslegir aðrir réttir eru á
boðstólum hjá Gallery Pizza, til dæmis
kjúklinga salat, sjávarréttasalat, ham-
borgarar, lambakótelettur og sub-
samlokur. Þá eru fiskréttir vinsælir á
staðnum. Í hádeginu á virkum dögum
eru alltaf tilboð og en fast hádegis-
verðartilboð á föstudögum er pizza-
hlaðborð á 1.600 krónur. „Það er líf og
fjör í hádeginu hér á föstudögum. Hér
hittist margt fólk úr sveitinni, bændur
og hestamenn, því hér eru hestabú-
garðar í kring. Stemningin er afskap-
leg góð. Einnig er vinsælt hjá hópum
að hringja, panta sér pizza-hlaðborð
og koma hér saman,“ segir Sigurður.
Annar eigandinn, Jaroon Nuamnui frá Suk-
hothai í Taílandi, sker pizzurnar.
Gallery Pizza byggir
á gömlum grunni
GALLEry PIzzA,
HVoLSVEGI 29, HVoLSVELLI
Veitingastaðurinn Essensia var opnaður fyrir rétt rúmu ári og er hugarfóstur Hákonar
Más Örvarssonar sem vildi opna ekta
ítalskan veitingastað í fínni kantinum.
Fyrir utan hágæða matreiðslu hefur
verið lögð mikil vinna í að hafa um-
hverfið sem fallegast og í ósviknum
ítölskum anda: „Við fengum til okkar
ítalska arkitekta til að hanna staðinn
og allar innréttingar og smíði – stólar,
borð og barinn, öll ásýnd staðarins er
flutt inn frá Ítalíu,“ segir Hákon.
Það sama má segja um
matseldina, þar á meðal pizzugerðina,
þetta er allt ekta ítalskt: „Við
gerum pizzur í þessum Napolit-
ana-stíl sem fer þannig fram að
pizzan er aldrei mikið lengur en
eina og hálfa til tvær mínútur í
320°C heitum eldofninum. Það fer
hins vegar meiri tími í að undirbúa
hana, fletja út deigið og setja ofan
á hana. Pizzurnar eru lagaðar
aðeins minni en gengur og gerist
en hráefnið er það sem gerir
gæfumuninn varðandi gæðin.“
Vinsælasta pizzan á Essensia
er humarpizzan og hefur hún
slegið svo rækilega í gegn að hún er
orðin eitt af helstu einkennismerkj-
um staðarins: „Við notum ítalska San
Marsano-tómata sem eru mikilvægt
hráefni í þessum Napolitana-pizzum.
Við gerum okkar eigin ricotta-ost og
notum einnig mascarpone sem grunn
með tómötunum, síðan, að sjálfsögðu,
humarinn okkar góða. Við þetta bætist
síðan smá chili, hvítlauksolía og sjávar-
salt,“ segir Hákon, en aðrar pizzur á
matseðlinum eru líka vinsælar og
vandað er til verka við
gerð þeirra í hvívetna,
til dæmis við hina hefð-
bundnu Margarita-pizzu,
og einnig óvenjulegri pizzur,
eins og kartöflupizzu með pancetta-
beikoni, rósmaríni og brieosti. Í
rauninni er engin sérlöguð pizzasósa
á pizzunum okkar heldur notum við
San Marsano-tómatana beint og
byggjum þetta síðan á deiginu sem er
alltaf lagað daglega á staðnum, en þó
ekki bakað fyrr en 1–2 dögum síðar;
þetta meðal annars er það sem gerir
pizzurnar bragðgóðar og einstakar.“
Fyrir utan pizzurnar er matseðillinn
á Essensia nokkuð fjölbreyttur. Boðið
er upp á afbragðsgóða pastarétti,
steikur, fiskrétti og fleira. og sem fyrr
segir er umhverfið fallegt og þægilegt.
„Þetta er í fínni kantinum, þú situr vel í
gæðastólum og það eru tau servíettur
á borðum. Útsýnið er að Hörpu og
nágrenni og fólk nýtur þess
virkilega að slaka hér á yfir
góðum mat,“ segir Hákon,
en mjög stórir gluggar
prýða staðinn og veita
frábært útsýni.
„Það er mjög vin-
sælt að koma hingað
áður en farið er í leikhús
eða Hörpu,“ segir Hákon
og kemur ekki á óvart enda
bara nokkur skref frá staðnum yfir í
Þjóðleikhúsið og örstuttur gangur að
tónlistarhúsinu. Staðurinn er vinsæll
en að sögn Hákonar eru Íslendingar í
meirihluta þó að erlendir ferðamenn
sæki staðinn líka nokkuð vel. Essensia
tekur 60 manns í sæti í einu.
Nánari upplýsingar eru
á vefsíðunni essensia.is.
Ekta ítalskur andi og
pizzur af betri gerðinni
ESSENSIA, HVErFISGÖTu 4–6
Hákon Már
Örvarsson