Morgunblaðið - 26.04.2018, Blaðsíða 45

45
MORGUNBLAÐIÐ FIMMTUDAGUR 26. APRÍL 2018
Kerrulíf Sumir halda að kerrur séu aðeins hugsaðar fyrir börn en það er misskilningur. Margir hundar eiga þar öruggt skjól og auk þess þykir þeim oft gott að fara ferða sinna undir þaki.
Kristinn Magnússon
Nýlega lagði Svein-
björg Birna Svein-
björnsdóttir borg-
arfulltrúi fram tillögu í
borgarstjórn um að
banna ætti notkun
snjallsíma í grunn-
skólum borgarinnar.
Ekki fékkst tillagan
samþykkt enda kom
hún frá fulltrúa úr hópi
minnihlutans og geng-
ur sennilega þvert á hugmyndir Pí-
rata um nær takmarkalaust skjá- og
upplýsingafrelsi.
Í meirihlutanum í borgarstjórn
Reykjavíkur hafa Píratar ásamt
meðreiðarsveinum sínum komið í
veg fyrir að upplýsingar um náms-
árangur í einstökum skólum fáist af-
hentur skólastjórnendum eða þeim
sem reka grunnskólann, þ.e. kjörn-
um fulltrúum Reykjavíkurborgar.
En samt er öllum almenningi orðið
ljóst að það er eitthvað mikið að í
grunnskólanum. Þriðjungur
drengja lýkur þeirri skólagöngu án
þess að geta lesið sér til gagns og
tveir þriðju háskólanema eru konur.
Er undravert að fulltrúar jafnrétt-
isbaráttunnar hafi ekki komið auga
á þetta ójafnvægi í menntamálum á
milli kynjanna.
Margt hrjáir grunnskólanema
Það er sjálfsagt margt sem hrjáir
grunnskólanema í dag. Spyrja má
hvort hin nýja stefna, skóli án að-
greiningar, hafi tekist sem skyldi.
Þá má einnig spyrja hvers vegna
kennarar og foreldrar kvarti svo
mjög yfir athyglisbresti og eirð-
arleysi grunnskólabarna. Maður
spyr sig hvernig það megi vera í
skóla sem er ætlað að vera mann-
legur og koma til móts við þarfir
hvers nemanda.
Hlutur snjallsímans
Það setur að manni
hroll þegar maður les
fræðigreinar byggðar á
rannsóknum um áhrif
snjallsímans á börn og
unglinga. Séu helstu
niðurstöður þeirra
greina, sem má m.a.
finna á netinu, teknar
saman kemur í ljós að
mikil skjánotkun og þar
með notkun snjallsíma
veldur fíkn, eirðarleysi, streitu, þung-
lyndi og svefntruflunum. Deila má
um hvað teljist „mikil“ notkun snjall-
síma. Af lestri greinanna má jafn-
framt ráða að það eru ekki aðeins
unglingar sem eru í hættu heldur
eykur snjallsímanotkun (30 mín. á
dag) í tíu ár hættuna á krabbameini í
heila um helming.
Setjum hagsmuni barna
í forgang
Börnin eru það dýrmætasta sem
við eigum. Við viljum gera allt fyrir
þau sem í okkar valdi stendur. Það
verða hins vegar ekki allir hlutir lag-
færðir í grunnskólanum með því að
setja þar inn meira fé. Á Íslandi kost-
ar hvert grunnskólabarn 1,8 milljónir
á ári miðað við 1,2 milljónir á Norð-
urlöndunum. Ef til vill er það friður
og ró sem við getum fært börnunum
okkar. Við hjá Borginni okkar
Reykjavík viljum fylgja fordæmi
Frakka og aðstoða kennara og for-
eldra í uppeldishlutverkinu með því
að banna snjallsíma í grunnskólum
borgarinnar.
Eftir Mörtu
Bergman
»Ef til vill er það friður
og ró sem við getum
fært börnunum okkar.
Marta Bergman
Höfundur er félagsráðgjafi.
Eiga snjallsímar
erindi í skólastofuna?
Það hefur verið öm-
urlegt að fylgjast með
valdhroka meirihlut-
ans í borgarstjórn
Reykjavíkur undir
forystu Dags B. Egg-
ertssonar borg-
arstjóra gagnvart
flugvelli allra lands-
manna í Vatnsmýr-
inni. Og í rauninni fá-
heyrt hvernig
ríkisstjórn og Alþingi hafa án að-
gerða horft á hvernig verið er að
þrengja að fluginu með því að ætla
að byggja rándýr íbúðarhverfi allt í
kringum völlinn. Einn daginn verð-
ur svo hrópað: „Það er lífshætta að
lenda flugvélum í Reykjavík, flugið
verður að fara strax!“
Byggt í mýri
Húsnæðisvandræði Reykjavíkur
leysast ekki í Vatnsmýrinni en í
Biblíunni segir fyrir daga verk-
fræðinnar: „Heimskur maður
byggði hús sitt á sandi en hygginn
maður byggði hús sitt á bjargi,“ en
hvergi er talað um hina botnlausu
mýri og allir vita að þar er grunn-
urinn dýr.
Flugvöllurinn er þjónn allra
landsmanna, neyðarbrautin sem
lokað hefur verið var lífgjöf
margra þegar mínútur skiptu máli
um að koma slösuðum eða veikum
til læknanna á Landspítalanum.
Sjúkraflugið hefur enn aðgang að
flugvellinum, en hversu lengi?
Dagur og félagar ætla nefnilega að
loka flugvellinum í lok næsta kjör-
tímabils, árið 2022, verði þeir við
völd áfram, eftir 1.400 daga.
Treysta verður á að nýr sam-
gönguráðherra, Sigurður Ingi Jó-
hannsson, klári með hraði vanga-
veltur um Hvassahraun, sem er
blekking, segja flug-
menn mér, og getur
veðurfræðilega ekki
leyst flugvöllinn í
Vatnsmýrinni af
hólmi. Allt innanlands-
flugið byggist á
Reykjavíkurflugvelli,
sem er brúin til og frá
höfuðborginni og jafn
mikilvægur höf-
uðborgarbúum og
landsbyggðarfólki.
Hitt blasir líka við
að tveir aþjóða-
flugvellir verða að vera af flug-
öryggisástæðum hér á suðvest-
urhorninu, Keflavík dugir ekki ein
af þeim sökum.
Oddviti framsóknarmanna í
Reykjavík er flugmaður
Ég tók eftir því að Ingvar Mar
Jónsson, sem skipar fyrsta sæti á
lista Framsóknarflokksins í
Reykjavík, tjáði sig um málið af
mikilli þekkingu enda flugmaður að
starfi. Hann sagði þetta m.a.:
„Völlurinn gegnir mikilvægu ör-
yggishlutverki fyrir flugsamgöngur
landsins sem besti varaflugvöllur
millilandaflugsins.“ Hann segist oft
sem flugmaður hafa stefnt þotunni
frá ófærum Keflavíkurflugvelli í
skjólið í Vatnsmýrinni og skilað
farþegunum heilu og höldnu heim.
Meira en brú milli borgar og
landsbyggðar
Flugvöllurinn er meira en brú
milli höfuðborgarinnar og lands-
byggðanna. Ef hann fer verður
Glasgow með þetta öryggis-
hlutverk fyrir Keflavík og allt flug-
verð hækkar út og heim. Það ligg-
ur fyrir að bæði flugið til útlanda
og innanlands mun stórskaðast
verði flugvöllurinn hrakinn á braut.
Ingvar Mar nefnir 200 milljarða
sem þyrfti til að byggja upp flug-
völl og spyr eðlilega hvar eigi að
finna þá peninga þegar þjóð-
vegakerfi landsins er komið að
hruni.
Það er mikilvægt við núverandi
umræðu að kjósa flugmann inn í
borgarstjórn Reykjavíkur til að
rökræða við göngu- og reið-
hjólaliðið sem dvelur við smáu tök-
in í 101 og skilur ekki að flugvöll-
urinn er eign okkar allra og það
ætti að friðlýsa hann. Reiðhjólið er
mikilvægt en það leysir ekki af
fjölskyldubíllinn, strætóinn eða
flugvélina sem skipa öndvegi í
ferðamáta fólks.
Fagna ber þessari afstöðu Ingv-
ars Marar og framboðs Framsókn-
arflokksins. Hitt liggur fyrir að
Vigdís Hauksdóttir, sem leiðir Mið-
flokkinn, og Eyþór Arnalds, sem
leiðir Sjálfstæðisflokkinn í borg-
inni, styðja flugvöllinn í Vatnsmýr-
inni.
Ég bið alla landsmenn að hug-
leiða hvers virði flugvöllurinn er
öllu flugi og mannslífum í háska
stöddum. Flugvöllurinn er enn
stærra kosningamál en nokkru
sinni; nú snýst það um hvort hann
verður hrakinn eða ekki hrakinn á
braut. Brotavilji og ásetningur
Dags B. Eggertssonar og hans
manna er einbeittur gegn flugvell-
inum og þar með er allt flug í land-
inu sett í uppnám.
Eftir Guðna
Ágústsson » Flugvöllurinn er
enn stærra kosn-
ingamál en nokkru
sinni; nú snýst það um
hvort hann verður
hrakinn eða ekki
hrakinn á braut.
Guðni Ágústsson
Höfundur er fv. alþingismaður og
ráðherra.
Verður Reykjavíkurflugvöllur
hrakinn burt og allt flug laskast?