Morgunblaðið - 26.04.2018, Blaðsíða 49

UMRÆÐAN 49
MORGUNBLAÐIÐ FIMMTUDAGUR 26. APRÍL 2018
Hlífar og undirföt
Angóruhlífarnar veita léttan stuðning við auma vöðva á
þrengja of mikið að. Angóran sér um að halda líkamanu
og hlýjum án þess að valda kláða.
Hlífarnar eru tilvaldar til hvers kyns útivista og
eins og hjólreiða, útihlaupa eða í golfið.
Úlnliðshlífar Langerma bolur Olnbogahlífar Hnéhlífar Mjóbakshlíf Axlastykki
Y L F A
ANGÓRA
Einnig fáanlegt í netverslun: www.lyfja.is
n þess að
m þurrum
íþrótta,
Þjóðkirkja Íslands er lýðræðisleg
stofnun og fer kirkjuþing með æðsta
vald í málefnum kirkjunnar. Dagana
2.-7. maí fær sóknarnefndarfólk um
allt land að taka þátt í rafrænum
kosningum til kirkjuþings. Mynd-
arlegur hópur reynslubolta sem
fengið hafa að móta þjóðkirkju Ís-
lands síðustu ár gefur kost á sér til
setu, en einnig stór hópur ungs fólks
úr kirkjunni sem aldrei hefur setið á
kirkjuþingi áður.
Við höfum hinsvegar reynslu af því
að starfa í grasrót kirkjunnar, í
barnastarfi, sunnudagaskólum og
æskulýðsstarfi. Við sem störfum með
kirkju framtíðarinnar viljum leggja
okkar af mörkum til að hjálpa þjóð-
kirkjunni að stíga inn í 21. öldina og
þora að mæta breyttu samfélagi.
Við sem einstaklingar erum með
ólíkar áherslur en munum sameinast
um þrennt náum við kjöri til kirkju-
þings.
Barna- og æskulýðsstarf:
Samkvæmt reglum kirkjunnar
þurfa fjölmennir söfnuðir að halda úti
sunnudagaskóla, það skal líka verða
skylda að söfnuðir bjóði upp á æsku-
lýðsstarf, hvort sem það er í eigin
kirkju eða í samstarfi við annan söfn-
uð. Tryggja ætti öllum ungmennum
aðgang að öflugu æskulýðsstarfi í
sínu nærumhverfi.
Það þarf að fjölga heilum stöðu-
gildum í barnastarfi og sýna þannig í
verki að barna- og æskulýðsstarf
skipti kirkjuna sannarlega máli.
Biskupsstofa þarf að koma til móts
við prófastsdæmin og tryggja að
æskulýðsfulltrúar starfi í söfnuðum
um allt land. Börnin eru framtíð
kirkjunnar, ef við kynnum þau ekki
fyrir trúnni og kirkjunni, hver á þá að
gera það?
Umhverfisstarf kirkjunnar:
Kirkjan sem fjöldahreyfing sem
vill taka þátt í að gera heiminn að
betri stað þarf að fara fram með góðu
fordæmi í umhverfismálum.
Bæði sem stofnun og hluti af nær-
samfélagi fólks þarf kirkjan að leggja
áherslu á að við göngum af virðingu
um jörðina. Siðferðisboðskapur krist-
innar trúar hefur margt að segja um
samskipti okkar við náttúruna, sú
áhersla þarf að lita boðun kirkjunnar
og fræðslu í fermingar- og barna-
starfi.
Samkvæmt Parísarsamkomulag-
inu þurfa allir í samfélaginu að takast
á við vandann og vinna að betri fram-
tíð, líka kirkjur og trúarsamfélög.
Sterkari kirkju um allt land
Við viljum styrkja stöðu djákna í
söfnuðum um allt land. Til að mæta
nýjum áskorunum þarf kirkjan fjöl-
breytt starfslið með styrkleika á
ýmsum sviðum mannlífsins, t.d. í
sorgarvinnu, kyrrðarstarfi, barna-
starfi og kennslu.
Við viljum að mörkuð verði starfs-
manna- og fjölskyldustefna fyrir
kirkjuna sem miði að því að gera
kirkjuna að betri vinnustað. Útkeyrt
starfsfólk brennur hratt út í starfi og
það leiðir til þess að kirkjustarf
drabbast niður.
Það þarf að vinna gegn einangrun
presta, efla samvinnu og fjölga
starfsfólki kirkjunnar um allt land
svo að hægt sé að bjóða upp á öflugt
starf í öllum landsfjórðungum. Einn-
ig er þörf á að efla þróunarstarf og
nýsköpun í kirkjustarfi til að mæta
nýjum tímum og áskorunum. Boð-
skapurinn er sá sami en tímarnir
breytast og við þurfum að taka tillit
til þess.
Við minnum á að þjóðkirkjan hefur
samþykkt að hún vilji efla aðild ungs
fólks að ákvarðanatöku innan kirkj-
unnar. Nú biðjum við um traust til að
fá að hafa áhrif, til að fá að tala máli
kynslóðanna sem eru að stíga sín
fyrstu skref í kirkjustarfi og til að fá
að móta kirkjuna sem við störfum
fyrir og er okkur kær.
Nöfn okkar og kjördæmið sem við
bjóðum fram í:
Benjamín Hrafn Böðvarsson, guð-
fræðingur, kirkjuvörður og starfs-
maður í sunnudagaskóla Áskirkju.
Reykjavíkurprófastsdæmi vestra.
Berglind Hönnudóttir, BA-próf í
guðfræði, áheyrnarfulltrúi kirkju-
þings unga fólksins á kirkjuþingi
2014-2017. Reykjavíkurprófasts-
dæmi eystra.
Dagur Fannar Magnússon, BA-
próf í guðfræði og guðfræðinemi á
framhaldsstigi, starfsmaður sunnu-
dagaskóla Áskirkju. Kjalarnesspró-
fastsdæmi.
Daníel Ágúst Gautason, guð-
fræðinemi, æskulýðsfulltrúi í Grens-
áskirkju og umsjónarmaður æsku-
lýðsstarfs í Bústaðakirkju.
Reykjavíkurprófastsdæmi vestra.
Sr. Eva Björk Valdimarsdóttir,
héraðsprestur í Reykjavíkur-
prófastsdæmi vestra og fomaður
Æskulýðssambands þjóðkirkjunnar.
Reykjavíkurkjördæmi.
Sr. Jóhanna Gísladóttir, æskulýðs-
prestur Langholtskirkju. Reykjavík-
urkjördæmi.
Jónína Ólafsdóttir, guðfræðingur,
íslenskufræðingur og starfsmaður í
Laugarneskirkju. Reykjavíkur-
prófastdæmi vestra.
Sindri Geir Óskarsson, guðfræð-
ingur og starfsmaður í sunnudaga-
skóla Akureyrarkirkju.
Eyjafjarðar- og Þingeyjar-
prófastsdæmi.
Sr. Þuríður Björg Wiium Árna-
dóttir, sóknarprestur Hofs-
prestakalls. Hólakjördæmi.
Eftir hóp ungs fólks sem
starfar í þjóðkirkjunni
»Hópur ungs fólks
sem starfar í grasrót
kirkjunnar biður um
traust til að fá að hafa
áhrif og móta kirkjuna
sem þau starfa fyrir.
Höfundar eru frambjóðendur til
kirkjuþings.
Vor á kirkjuþingi
Morgunblaðið/Golli
Æskulýðsstarf Það var sungið af hjartans lyst í sunnudagaskólanum í Laugarneskirkju.