Breiðfirðingur - 01.04.1968, Page 67

BREIÐFIRÐINGUR
65
Frá stofnun sjóðsins hafa honum verið fluttar gjafir til
minningar um þessa menn:
Jón Jónsson frá Ljárskógum.
Jens Hermannsson frá Flatey.
Ragnar Bjarnason frá Sauðafelli.
Sr. Asgeir Ásgeirsson frá Hvammi.
Hermann Jónsson.
Friðgeir Sveinsson.
Guðmund Einarsson.
Lýð Bjarnason og Guðrúnu Nikulásdóttur.
En þessi nöfn gætu hvert um sig og öll í sameiningu
gefið tilefni til minningardags eða kvölds með fjáröflun
fyrir minningarsjóðinn og stefnu hans að takmarki, hvenær
sem félagsstjórn þætti viðeigandi, ekki sízt nálægt merk-
um afmælisdögum eða þá dánardögum þessara mætu félaga,
sem allir hafa haft mikið að lifa fyrir, margþættar hug-
sjónir og eiga því göfugar minningar í félagsstarfinu og
hugum samferðafólksins.
Framtíð Breiðfirðingafélagsins mun að mjög miklu
leyti verða mótuð af því, hversu vel hún stendur vörð um
minningar brautryðjenda og hugsjónamanna sinna fyrstu
ára.
Og síðar mun koma í ljós, að slíkar minningar verða
ein helzta líftaug og akkeri félagsstarfsins, þegar flestir
eru fallnir, sem áttu eldmóð upphafsins og kyntu loga átt-
hagaástar í sínum og annarra liugum.
Fólk síðari tíma lítur ekki átthagana sömu augum eða
sömu tilfinningu og fólkið, sem fyrst flutti að heiman til
borgarinnar, ef hægt væri að tala þar um sérstakan hóp.
Nú bætast aðeins örfáir árlega í flokk félagsmanna.