Breiðfirðingur - 01.04.1968, Side 107

BREIÐFIRÐINGUR
105
firðingafélagsins á sviði sumarferðalaga er gleymd nú
þegar.
Ein ferð er þó alltaf farin á hverju sumri og oftast all-
fjölmenn og oftast vestur. Jóhannes Ólafsson er þá venju-
lega enn sem fyrr aðalmaður við undirbúning og fram-
kvæmd og nú ásamt Ólafi Jóhannessyni og frú hans.
Ekkert hefur þó enn fallið alveg niður af ferðalögum
Breiðfirðingafélagsins nema kórferðirnar af eðlilegum
ástæðum.
Á Heiðmerkurferðir og ferðir til fjáröflunar ákveðnum
framkvæmdum er áður minnzt. Þeir eru orðnir margir,
sem hafa unnið að undirbúningi samanlagt öll árin. Og
enn þá fleiri, sem hafa hlakkað til og eignast ógleyman-
legar minningar um yndislega staði, dýrðlega útsýn og
góðra vina fundi.
Og vonandi verður svo lengi enn, já alla tíð meðan
Breiðfirðingafélagið gætir síns hlutverks og verndar sína
átthagaþrá og föðurlandsást.
Kannske er fátt, sem vakið hefur ljúfari minningar og
veitt markvissari leið að takmarki félagsins um eflingu og
mótun átthagaástar en einmitt ferðalög félagsmanna um
fornar slóðir og fagra staði.
Þar hefur félagið sannarlega verið á verði um hlut-
verk sitt.
Hitt er svo annað mál, að aldrei verða allir á sama máli
um störf slíkra samtaka.
Og því miður er áhugi sá og tilfinning, sem áður ein-
kenndi átthagafélögin sízt hinn sami og áður var, meðan
íslendingar voru að mestu sveitafólk fóstrað í faðmi fjarða
og dala.