Breiðfirðingur - 01.04.1968, Qupperneq 131

BREIÐFIRÐINGUR
129
gáfu áburðinn. Það þurfti aldrei annan áburð. Samt var
kafgras af hinni dásamlegu og safamiklu grænku.
Þeir nafnarnir áttu þessar eyjar, löngu eftir að við flutt-
um í Stykkishólm, sem mun hafa verið 1906, að faðir
minn byggði veitingahús þar og rak það nokkur ár, það hús
brann seinna. Einnig byggði liann fleiri hús í Stykishólmi
og þar á meðal húsið sem kaþólsku prestarnir búa í núna,
og var kallað „Bjarg“. Það mun hafa verið byggt árið 1914
til 1915.
Þegar ég kom síðast á þessar slóðir, Viðvík, þekkti ég
ekki staðinn. Það var búið að ryðja niður Skiphólnum og
Leynisvík. Þar sem áður var mikil rauðmagaveiði, þar var
komið slippstæði. Og líklega geta bátarnir úr Eyrarsveit
ekki stytt sér leið lengur milli Landeyjar og lands um flóð.
En þetta er nýi tíminn og tækinin. Og nú get ég sagt eins
og stendur í vísunni:
„Hér stóð bær og bernskuminning
kveður bjarma af morgunsól!“
Sigríður Árnadóttir.