Breiðfirðingur - 01.04.1968, Síða 139

Hallgrímur frá Ljárskógum
Hallgrímur Jónsson frá Ljárskógum er fæddur 22. júní
1901 í Ljárskógum í Dalasýslu og voru foreldrar hans
Jón bóndi Guðmundsson og kona hans Anna Hallgríms-
dóttir. Hallgrímur stundaði nám í unglingaskólanum í
Hjarðarholti veturna 1920 til 1922, en starfaði síðan að
búi foreldra sinna fram á árið 1939. Hann var búsettur á
Skagaströnd árin 1939 til 1942, en póst- og símstjóri hef-
ur hann verið í Búðardal frá 1942. Kona Hallgríms er
Anna Fritzdóttir Berndsen frá Skagaströnd.
Hallgrímur hefur starfað allmikið að félagsmálum m.a.
í Ungmennasambandi Dalamanna og Ungmennafélaginu
Ólafur Pá, en þar er hann nú heiðursfélagi. Þá hefur hann
einnig átt sæti í ýmsum opinberum nefndum fyrir sveit
sína. Hann hefur starfað að söngmálum um alllangt ára-
bil og verið m.a. organleikari í Hjarðarholtskirkju.
Hallgrímur er bróðir Jóns heit. frá Ljárskógum, skálds
og söngvara, sem flestir miðaldra íslendingar og eldri
minnast fyrir söng í M.A.-kvartettinum og hugþekk ljóð,
er eftir hann birtust. En hann lézt um þrítugt, langt fyrir
aldur fram.
Hallgrímur frá Ljárskógum hefur fengizt allmikið við