Breiðfirðingur - 01.04.1993, Qupperneq 63

Páll Lýðsson
Sýslumannaréttarfar í Dölum
Samtal við Pétur Þorsteinsson fv. sýslumann í Búðardal
Árið 1974 tók við sýslumannsembætti í Dalasýslu Austfirðingurinn Pétur
Þorsteinsson frá Stöðvarfirði. Sýslumennskuna hafði hann á hendi út sinn
embættisaldur og ber Dalamönnum ágætlega vel söguna. Eftir ábendingu
sameiginlegs vinar lágu leiðir okkar Péturs saman og úr varð þetta viðtal.
Eftir á að hyggja finnst ntér það hvergi eiga betur heima en í Breiðfirðingi .
Því svo mjög kom Pétur sýslumaður við sögu þeirra. Hann fitjaði upp á
merkum nýmælum, stóð að endurreisn hinnar frægu Jörfagleði, hafði for-
göngu um rannsóknir á lífríki Hvammsfjarðar með það í huga að auka þar
þorskgengd. Og ógleymanlegar verða lýsingar Péturs á svonefndu „sýslu-
mannaréttarfari", skynsamlegri beitingu embættisvaldsins á landsbyggð-
inni. En hvers vegna lenti Austfirðingur hjá Dalamönnum? Gefum Pétri
orðið:
Austfirðingur af Guttormsœttinni
- Faðir minn var Þorsteinn Þorsteinsson Mýrmann sem var
kaupmaður á Stöðvarfirði, síðar bóndi þar á nýbýlinu Oseyri
sem skipt var út úr prestssetrinu Stöð. En þaðan var móðir
mín, Guðríður Guttormsdóttir, ein af dætrum Guttorms Vig-
fússonar sem síðast var lengi prestur á Stöð, dáinn 1937. Ég
veit ekki um nokkum Guttorm sem ekki er mögulegt að sé
frændi minn.
Faðir minn var Skaftfellingur, fæddur í Slindurholti á Mýr-
um 12. maí 1874. Hann missti föður sinn ungur og ólst upp
með móður sinni og systur sem var eldri svo og móðurbróður.
Hann braust til mennta og komst í Flensborg, en hafði áður