Breiðfirðingur - 01.04.1993, Qupperneq 73

SÝSLUM ANNARÉTTARFAR í DÖLUM
71
Ég vann sem þingskrifari mestalla þessa tíð og á þeim árum
voru allar ræður handskrifaðar. Þingskrifarar voru átta menn.
Það voru fjögur holl, tveir og tveir saman hálftíma í einu. Við
skiluðum ræðunum, handskrifuðum eða vélrituðum inn í lestr-
arsal fljótlega. Þar gátu þingmenn farið yfir ræðurnar og fellt
úr og lagfært eftir því sem þeir vildu.
Þingritari Jónasar frá Hriflu
- Fóru þeir allir yfir ræðurnar?
- Nei, reyndin var sú að það gerðu ekki nærri allir. En aðeins
bar á því að þeir sem lásu þökkuðu okkur fyrir að við fórum
ekki nákvæmlega eftir þeim, ef einhver mismæli voru. Og
slæmar tungur sögðu að ræðurnar hefðu verið miklu betri hjá
okkur heldur en hjá sumum þingmönnunum. Hraðritun kunni
ég ekki. En nokkurs konar eigin hraðritun varð til hjá okkur
sem skrifuðum saman. Við tókum meininguna úr framsögn-
inni og þegar við endurrituðum strax á eftir þá mundum við
hluta af ræðunum. En einkennilegt var að menn sem voru
taldir mjög mælskir og töluðu hratt voru okkur ekki mjög erf-
iðir. Einar Olgeirsson var þá orðinn áberandi í útvarpsumræð-
um. Hann talaði hratt en það var alls ekki vont að skrifa eftir
honum. Og hann talaði ekki svona hratt í sjálfu þinginu. En
svo gátu verið menn sem töluðu hægt en var þó ákaflega erfitt
að ná. Þannig var Jónas Jónsson frá Hriflu. Það var vegna þess
að hann sagði iðulega smásögur og kom með tilvitnanir. Hann
talaði hægt en það var alltaf saga út frá sögunni. Og mjög erfitt
að ná nákvæmlega þessum stíl svo að ekki félli eitthvað úr.
Sigfús Sigurhjartarson talaði mjög skipulega og ræðan var
eins og hann læsi hana upp af blaði. En hann hafði aldrei
skrifað orð. Hann var vanur kennari, og til að ná virkilega
ræðunni, varð að skrifa allt saman strax. Olafur Thors var nú
satt að segja ekki mikið í ræðumennsku á Alþingi. Ég skrifaði
þó eitthvað í ráðherratíð hans og mikið var hann í útvarpsum-
ræðum. Þær höfðu þann kost fyrir okkur skrifarana að við gát-
um yfirleitt fengið handrit hjá mönnum. Því brá okkur heldur