Breiðfirðingur - 01.04.1993, Qupperneq 74

72
BRF. IÐFIRÐINGUli
þegar Ásgeir Ásgeirsson kom til okkar og var að fara að flytja
ræðu í útvarpið og sagði: „Ég ætla bara að vara ykkur við því
að ég hefi ekkert skrifað.“ En hann talaði nú ekkert hratt, Ás-
geir, svo þetta bjargaðist af því hann sýndi okkur þann dreng-
skap að láta okkur vita um þetta áður.
Talafyrir „hund heilbrigðrar skynsemi“
- Ymsir stóratburðir gerðust í þinginu á skrifaratíð minni. Þó
var ekki nrikið sem kom inn í þingið 1944 varðandi lýðveldis-
stofnunina. Það nrál réðist mest á bak við þingið. Keflavíkur-
samningurinn kemur á minni tíð. Þá var mikið um að vera en
þessu er víða búið að gera skil. En ég man eftir deilu þeirra
Jónasar Jónssonar og Hermanns Jónassonar á þingi í tíð
nýsköpunarstjórnar. Þingflokkur Framsóknarflokksins hafði
þá samþykkt að allir þingmenn hans ættu að vera á móti
svokölluðu búnaðarsjóðsgjaldi. Talið var að þessu væri stefnt
gegn Jónasi. Þá var hann farinn að gefa út Ofeig og það var
vitað um klofninginn í flokknum. Jónasi var lokaður aðgangur
að Tímanum. Og það var vitað að hann myndi ekki hlýða.
Þessi ákvörðun í þingflokknum var talin skera úr um það
hvort Jónas væri í þingflokknum eða ekki. Þó kom aldrei til
þess að hann væri rekinn. En þegar málið var til umræðu í
þinginu talaði Jónas í nær fimm klukkustundir. En ekki var
það óslitið - inni í því var kaffihlé. Þetta mál varð að drífa í
gegn sem fljótast og úr varð næturfundur. Ég skrifaði eftir
Jónasi að deginum til og á kvöldfundinum skrifaði ég í efri
deild. Þar var Hermann Jónasson og hans ræða stóð í hátt á
aðra klukkustund. Ræða hans var nokkurs konar svarræða til
Jónasar. Jónas hafði lýst því. þegar Hermann hugðist mynda
stjórn um það leyti sem nýsköpunarstjórnin varð til. Hann
sagði þá nr.a. á þessa leið: „Já, Hermann var að búa þetta til.
Hélt það yrði drengur. En þegar það fæddist var það bara
stúlka.“ Hann málaði þetta á mjög skemmtilegan hátt. En það
sem nrér er minnisstæðast í svarræðu Hermanns er það að
hann lét eins og kné fylgja kviði. Mér fannst svolítið gæta