Breiðfirðingur - 01.04.1993, Qupperneq 75

73
SÝSLUMANNARÉTTARFAR í DÖLUM
glímukappans. Völdum Jónasar í flokknum var lokið og Her-
mann sparaði ekki að láta hann finna til þess. Eg man að Olaf-
ur Thors stóð brosandi í dyrunum inn til efri deildar og þá
sagði Hermann á þá leið að það væri hollt fyrir Jónas að hugsa
um það í kvöld hverjir væru nú glaðastir í þinginu. Og það
höfðaði náttúrulega til brossins á Olafi Thors.
Ekki man ég eftir að við skrifuðum mikil skammaryrði eftir
þingmönnum. Það var helst að við leiðréttum eða kipptum
burtu orðum úr málsháttum eða orðtökum sem vissir þing-
menn voru með. Páll Zóphóníasson bjó til orðtakið „Eins og
þjófur úr neiðskíru lofti“. Gísli Jónsson átti stundum dálítið
bágt með framsetningu. Hann sagðist ekki tala í vissu máli
„fyrir hund Sjálfstæðisflokksins“. Hann talaði fyrir „hund
heilbrigðrar skynsemi“. Svona atriði sem voru nú augljós mis-
mæli létum við ekki fara. Þeir gátu bætt þessu inn í aftur þegar
þeir lásu það yfir.
Lögfræðingurinn gerist trésmiður
- Ég var nú kominn með fjölskyldu. Fyrri kona mín, sem ég
kvæntist 1943, var Margrét Jónsdóttir, dóttir Jóns Jónssonar
trésmiðs á Fáskrúðsfirði og Láru Björnsdóttur frá Dölum.
Margrét Iést veturinn 1947. Seinni kona mín er Björg Sóley
Ríkarðsdóttir myndhöggvara Jónssonar og konu hans Maríu
Olafsdóttur og giftum við okkur 1950.
Um þetta leyti stundaði ég ýmsa vinnu, vann á tímabili við
húsbyggingar. Meira að segja varð ég svo heppinn að verktaki
einn gerði mig að trésmið og lét mig fá kaup samkvæmt því.
Það var vissulega mjög heppilegt fyrir mig en ég veit ekki
hvort smíðakunnáttan batnaði nokkuð við það. Ég hefi aldrei
verið í eðli mínu smiður en það bjargaðist svona.
Stofnað býlið Dalland úr Miðdal í Mosfellssveit
- Fórstu út í sjálfstœð lögfrœðistörf eftir þetta?
- Já, eftir prófið var ég á tímabili með Jóni Olafssyni lögfræð-