Tímarit Máls og menningar - 01.06.2015, Blaðsíða 66

B ö ð va r G u ð m u n d s s o n
66 TMM 2015 · 2
kornungur leiðtogi hóps sem hafði það verkefni að stofna til óeirða við unga
sósíaldemókrata og ungkommúnista. Ungmennafélagið hét Die Bismarck
Jugend. En Bismarkæskan var honum ekki nóg. Hann gekk í hálfopinber
hryðjuverkasamtök sem kölluðu sig Organisation Consul (Réttarsamtökin)
og hafði það takmark að drepa alla sem sátu við stjórnartaumana í Weimar.
Þegar Horst Wessel var 14 ára tókst Réttarsamtökunum að stúta tveimur ráð-
herrum, Matthias Erzberger í ágúst 1921 og utanríkisráðherranum Walter
Rathenau í júní 1922. Réttarsamtökin dæmdu hann til dauða þar sem hann
hafði verið þýski fulltrúinn sem undirritaði vopnahlé 1918.
Þetta lofaði allt saman góðu og föðurnum sýndist drengurinn vera gott
prestsefni. En Horst langaði ekki í guðfræði og byrjaði að lesa lög árið 1926
við Friederich Wilhelms Universität Unter den Linden. Um haustið sama
ár yfirgaf hann Þýska þjóðarflokkinn og í desember varð hann meðlimur
í nasistaflokknum, Nationalsozialistische Deutsche Arbeiterpartei, NSDAP.
Hann gekk næstum samstundis í sveitina sem skyldi sjá um að allt væri
með röð og reglu á strætum borgarinnar, SA (Die Sturm Abteilung). Joseph
Göbbels tók fljótt eftir þessum áhugasama og duglega unga manni.
Í janúar 1928 bönnuðu stjórnvöld í Berlín SA. Þau gátu ekki betur séð en
að hinir ungu reglumenn gengju fullharkalega til verks. Göbbels sendi þá
sinn unga skjólstæðing til náms hjá austurrískum nasistum í Vín þar sem
hann skyldi sérhæfa sig í skipulagningu og taktík. Hann kom til baka til
Berlínar í maí 1929 og var skipaður foringi Stormsveitar nr. 34. Hann hætti
við laganámið sama haust.
Og nú kemur svolítið brot af listasögu. Horst Wessel spilaði nefnilega á
hljóðfæri. Alþýðuhljóðfæri sem er þekkt um stóran hluta heimsins undir
ýmsum nöfnum. Á þýsku og í Skandínavíu heitir það „schalmei“ eða
„skalmei“ og er í fjölskyldu með óbói og sekkjapípu og krummahorni. Tvö
reyrblöð sem hljóðfæraleikarinn ýmist stingur upp í sig eða blæs í hólk þar
sem þau eru geymd. Í Kína heitir hljóðfærið „sjá ma“ og í gamla daga var
bannað þar með lögum að leika á þetta hljóðfæri innandyra. Svo mikill var
hávaðinn. Schalmei er upplagt hljóðfæri ef á að blása til uppþots eða illinda.
Horst Wessel stofnaði sérstakan schalmei hóp sem skálmaði um göturnar.
D. Joseph Göbbels Horst Wessel ca. 1920 Horst Wessel 1928