Ófeigur - 15.05.1956, Qupperneq 28

26
ÖFEIGUR
eigin þjóðar og eigin lærisveianr, þann kost beztan
að draga af honum helgihjúpinn og auglýsa fyrir öll-
um heiminum, að landsfaðir þeirra væri stórkostleg-
asti svikari veraldarinnar en engin sigurhetja. Þessari
uppgötvun var svo fylgt eftir í Rússlandi með því að
koma fréttinni um glæpi Stalins gegnum fréttastofur
út um allan heim. Jafnframt var byrjað að fjarlægja
myndir og myndastyttur af þjóðhetjunni, og er nú
unnið að því, bæði í Rússlandi og öllum leppríkjunum.
Háværar kröfur eru komnar fram frá verkamönnum
í Rússlandi að líkami hans verði tekinn úr hinum helga
stað á Rauðatorgi og hræ hans huslað óvirðulega, eins
og hann var vanur að gera við andstæðinga sína. Má
segja, að hverfult sé heimslán bolsivika.
Skynsömum mönnum utan Rússlands ber að taka
á þessu máli með hófsemi og réttri dómgreind. Aðal-
sakarefni hinna nýju valdhafa á Rússlandi, eru vita-
skuld fullkomlega réttmæt, því auk þeirra glæpa sem
nú hefur verið minnzt á, ætti sízt að gleyma því, að
Stalin svelti 10 milljónir bænda í hel til þess að geta
þjóðnýtt landbúnaðinn. Núverandi valdhafar Rússa,
sem þykjast*hafa afhjúpað Stalin, eru lærisveinar hans,
skjólstæðingar og samverkamenn. Þeir eru, hver um
sig og allir til samans, samsekir honum um stjórnar-
far Rússlands síðan Lenin féll frá. Liðsoddar Rússa,
sem fórna nú nafni og mannorði Stalíns, ætla að taka
upp enn lævísari vinnubrögð, sem verða miklir hættu-
legri frelsi manna og þjóða heldur en harðríki og
grimmd Staiíns. Hmir nýju valdhafar Rússlands ætla
að blekkja hinar frjálsu þjóðir með því að láta svo
heita, að nú sé einræði eins manns afnumið í Rúss-
landi. Hér eftir vilji Rússar starfa hlið við hlið hinna
frjálsu þjóða á grundvelli frelsis og bróðurhuga. Rúss-
neska þjóðin og fókið í leppríkjunum býr enn við sömu
grimmd og réttleysi eins og áður.
Á nýafstöðu flokksþingi Framsóknarmanna lét Her-
mann Jónasson orð falla um það, að íslendingar mundu
ef til vill fylgja dæmi Egypta og Jórdaníu um það
að geta valið um f jármunalegan stuðning úr tveim-
ur áttum. Skildu fundarmenn það svo, að Hermann
gerði ráð fyrir hagsmuna-kapphlaupi á Islandi milli
Bandaríkjanna og Rússa. Bandaríkin hafa að vísu