Skessuhorn - 03.06.2015, Page 16

16 MIÐVIKUDAGUR 3. JÚNÍ
Skagamaðurinn Sindri Víðir Ein-
arsson fékk nýverið þá hugmynd
að halda stórtónleika á Akranesi
í haust. Tilefnið er að safna fyrir
Fjöliðjunni þar sem Sindri starfar
sjálfur. „Mig langaði bara að gera
þetta, mig langar að safna pening
fyrir Fjöliðjuna. Ég vil meðal ann-
ars safna fyrir nýrri dósavél, sem
telur dósirnar. Mér finnst hin orð-
in svo gömul,“ segir Sindri Víðir í
samtali við blaðamann. Hugmynd
Sindra er að margar helstu stór-
stjörnur landsins komi fram á tón-
leikunum, svo sem svo sem KK,
Bubbi Morthens, Páll Óskar, Jón
Jónsson, Friðrik Dór, Sylvía Nótt,
Skálmöld, Páll Rósinkrans og Mar-
grét Eir. Á listann rötuðu einnig
Herbert Guðmundsson, Gersemi
og Akurnesingurinn Birgir Snæ-
felld Björnsson en allir á listanum
eiga það sameiginlegt að vera eft-
irlæti Sindra. „Ég á eftir að athuga
hvort þau vilja vera með. Ég vildi
fá alla þessa tónlistarmenn því þeir
eru í miklu uppáhaldi hjá mér. Ég
veit að kannski geta ekki allir verið
með en ég held samt að einhverj-
ir þeirra verði alveg til í þetta, ég á
bara eftir að heyra í þeim.“
Svona tónleikar
þurfa pláss
Sindri fékk starfsfólk Fjöliðjunnar
sér til aðstoðar við skipulagninguna.
„Okkur fannst þetta bara svo frábær
hugmynd hjá honum að það var ekki
annað hægt en að hjálpa honum að
láta drauminn rætast. Hann hef-
ur nú þegar haldið einn fund með
okkur þar sem hann lagði línurnar.
Við erum svo bara að vinna í þessu
núna, eigum eftir að deila verkefn-
um og halda áfram,“ segir Ásta Pála
Harðardóttir yfirþroskaþjálfi Fjöl-
iðjunnar í samtali við Skessuhorn.
Sindra datt í hug að sniðugt væri að
nýta vörugeymsluna að Dalbraut 6,
gamla ÞÞÞ húsið, undir tónleikana.
Hann fór á fund með bæjarstjóran-
um og í framhaldi af því sótti hann
um leyfi til að fá afnot af húsnæð-
inu fyrir tónleikana. Nú hefur hann
fengið samþykki fyrir því og næstu
skref eru því að heyra í tónlistar-
fólkinu og sjálfboðaliðum. „Þessi
geymsla er svo stór og mér datt í
hug að nota hana því það þarf mik-
ið pláss fyrir svona tónleika. Ég
myndi vilja halda tónleikana í sept-
ember,“ segir Sindri.
Sindri hefur verið búsettur á
Akranesi undanfarin ár en er upp-
runalega frá Fremri - Gufudal.
Foreldrar Sindra búa enn í sveitinni
og Sindri segir að þar sé oft leikin
mikil tónlist. „Við höfum stundum
haldið tónleika í stóru hlöðunni.
KK hefur komið til okkar þang-
að og frændur mínir,“ segir Sindri
sem hefur gaman af því að syngja.
Hann hefur haft gaman af tónleik-
unum í sveitinni og stefnir nú á að
láta stóra drauminn rætast með því
að fá eftirlætis poppstjörnur sínar
til að koma fram á styrktartónleik-
um á Skaganum.
grþ
Skipuleggur stórtónleika í
gamla ÞÞÞ húsinu
Sindri Víðir Einarsson er að skipuleggja stórtónleika í vörugeymslu ÞÞÞ í haust.
Starfsmenn Reykhólahrepps voru
niðursokknir í viðhaldsvinnu á
Grettislaug þegar blaðamann
Skessuhorns bar þar að garði í síð-
ustu viku. „Við opnum laugina aft-
ur á mánudaginn, 1. júní,“ sagði
Harpa Björk Eiríksdóttir, forstöðu-
maður Grettislaugar, þar sem hún
lá á hnjánum og málaði botn laugar-
innar ásamt Jóni Kjartanssyni, um-
sjónamanni eigna Reykhólahrepps.
„Við tæmdum laugina um daginn
og þrifum hana vandlega. Það er
gert á hverju ári,“ bætti Harpa við.
„Annað hvert ár er hún svo mál-
uð upp á nýtt,“ sagði Jón. Þau voru
niðursokkin í að mála rendurnar
sem afmarka brautir laugarinnar og
að sögn Jóns þarf að gera það með
penslum að stærstum hluta. „Þetta
er dálítið föndur. Hitt getum við
aftur á móti rúllað, megnið af botn-
inum og veggina,“ sagði Jón.
kgk
Viðhaldi sinnt við
Grettislaug á Reykhólum
Harpa Björk Eiríksdóttir og Jón Kjartansson máttu lítið vera að því að spjalla
við blaðamann þar sem þau sinntu málningarvinnu í Grettislaug á Reykhólum í
vikunni, enda í kappi við tímann.
Saga líknandi handa
SÓKNARÁÆTLUN
VESTURLANDS
Í tilefni 100 ára kosningarafmælis kvenna árið 2015
verður opnuð sýning í Guðnýjarstofu 11. júní kl. 17.00.
Fjölbreitt og merkileg saga heilbrigðisþjónustu rifjuð
upp og nokkrum stórbrotnum konum gerð skil.
Allir hjartanlega velkomnir
SÝNINGIN ER OPIN ALLA DAGA KL. 10 – 17
SK
ES
SU
H
O
R
N
2
01
5