Skessuhorn - 03.06.2015, Side 32

32 MIÐVIKUDAGUR 3. JÚNÍ
Sjómannadagurinn
Starfsfólk Ísfells
óskar öllum sjómönnum
og fjölskyldum þeirra
til hamingju með
Sjómannadaginn.
Starfsstöðvar Ísfells og Ísnets:
• Ísnet Þorlákshöfn - Óseyrarbraut 28
• Ísnet Vestmannaeyjar - Flötum 19
• Ísnet Húsavík - Barðahúsi
• Ísnet Akureyri - Oddeyrartangi
• Ísnet Sauðárkrókur - Lágeyri 1
• Kristbjörg Ólafsfjörður - Pálsbergsgötu 1
• Ísfell / Ísnet Hafnarfjörður -
Óseyrarbraut 28 • 220 Hafnarfjörður • Sími 5200 500 • isfell@isfell.is
www.isfell.is
Akraneskaupstaður sendir
sjómönnum og fjölskyldum
þeirra hamingjuóskir í
tilefni dagsins
SK
ES
SU
H
O
R
N
2
01
5
Fyrir tæplega hálfri öld, árið 1966,
stofnuðu konur á Hellissandi og í
Rifi kvennadeild Slysavarnafélags
Íslands á svæðinu og nefndu hana
Helgu Bárðardóttur. Meðal stofn-
félaga þessarar kvennadeildar var
Þorbjörg Alexandersdóttir í Rifi.
„Nafnið á deildinni er sótt í Bárð-
arsögu Snæfellsáss en sagan seg-
ir að Helgu hafi rekið á ísjaka til
Grænlands. Við vildum meina að
ef góð slysavarnadeild hefði verið
til staðar, þá hefði slíkt ekki gerst,“
segir Þorbjörg og hlær.
Fjáraflanir aðalstarfið
Á milli þrjátíu og fjörutíu kon-
ur á Hellissandi og í Rifi stofnuðu
kvennadeildina og Þorbjörg seg-
ir að álíka fjöldi kvenna hafi síð-
an skipað deildina alla tíð. „Það var
strax öflugt starf í deildinni og svo
er ennþá. Við byrjuðum strax að
afla fjár til að kaupa tæki og hlífð-
arfatnað fyrir björgunarsveitina.
Síðan þegar upp komu atvik eins
og stórar leitir að fólki eða stór
björgunarverkefni þá sáum við um
að gefa björgunarfólki að borða.
Helstu fjáraflanirnar hafa allt-
af verið hefðbundnar eins og hjá
öðrum kvennadeildum. Við höfum
verið með kökubasara, selt blóm
og verið með kaffisölur. Svo hefur
alltaf verið sérstök kaffisala á sjó-
mannadaginn og er enn. Það hef-
ur alltaf verið góð fjáröflun. Síðan
vorum við stundum með basar með
okkar eigin handavinnu og ýmis-
legt fleira.“
Sjómannskonur telja sjálf-
sagt að leggja deildinni lið
Þorbjörg er nú heiðursfélagi í
kvennadeild Slysavarnafélagsins
Landsbjargar, Helgu Bárðardótt-
ur, en hún segist þrátt fyrir það
vilja vera með í sem flestu. „Ég er
búin að gegna öllum stjórnarstöf-
um á einhverjum tíma og það hef-
ur verið mjög gaman. Sem betur
fer hefur orðið sífelld endurnýj-
un í deildinni og ungu konurnar
hafa komið til starfa. Ég hef nú oft
hvatt ungu konurnar, sem eiga sína
menn á sjó, til að koma í deildina
og stuðla þannig að því að björg-
unarsveit sé reiðubúin ef á þarf að
halda fyrir þeirra menn.“ Þorbjörg
segir sjómannskonur yfirleitt telja
það sjálfsagðan hlut að vera með í
þessu starfi enda sé það forsenda
fyrir því að hægt sé að stunda smá-
bátaútgerð að björgunarsveit sé
á staðnum sem komi til hjálpar
þegar hætta steðjar að. Hún segir
kvenndeildina hafa komið mikið að
byggingu nýju björgunarmiðstöðv-
arinnar „Von“ í Rifi.
„Þetta var sameiginlegt átak
slysavarnasveitanna hér. Við byggð-
um líka björgunarmiðstöðina Líkn
á Hellissandi en það hús var byggt
á árunu 1977-1985. Það var mikið
átak á þeim tíma enda mikið hús.
Þar var flott aðstaða fyrir starfið.
Svo eftir að þetta varð eitt starfs-
svæði hér í Snæfellsbæ og starfið
efldist og verkefnin jukust þá þótti
rétt að fara út í byggingu þessarar
myndarlegu björgunarmiðstöðvar
hér í Rifi. Við tókum virkan þátt í
fjáröflun fyrir hana líka.“
Fjölskyldan rekur
útgerð og fiskvinnslu
Maður Þorbjargar er Kristinn J.
Friðþjófsson, sjómaður og skip-
stjóri í áratugi. Þau reka ásamt fjöl-
skyldu sinni útgerð og fiskvinnsl-
una Sjávariðjuna í Rifi. Stærsti bát-
ur útgerðarinnar er Hamar SH,
sem er rúmlega 250 tonna bátur,
en svo eru minni bátar, þeir Sæ-
hamar og Stakkhamar en bát með
því nafni seldu þau nýlega en ver-
ið er að smíða annan stærri í hans
stað. Minnstur er svo Litli Ham-
ar en hann bíður þess nú uppi á
landi að verða gerður út á makríl í
sumar. Hún segir líf sjómannskon-
unnar bara hafa verið nokkuð gott.
„Það voru auðvitað ekki þessi sam-
skipti þá við sjómennina í gegnum
farsíma eða tölvu eins og nú er. Ég
öfunda nú stundum sjómannskon-
urnar núna af því. Þá var það bara
talstöðin og við konurnar hlustuð-
um á bátabylgjuna í gegnum út-
varpið og hringt var á hafnarvigtina
til að spyrja frétta. Maður hringdi
ekkert út á sjó til að tala um ein-
hver einkamál í gegnum talstöðina,
sem allir gátu hlustað á. Minn mað-
ur stundaði mikið dagróðra héð-
an úr heimahöfn en hann var mik-
ið að heiman á haustin þegar hann
var á síldveiðum fyrir austan land.
Einnig sigldi hann til Englands og
Þýskalands með fisk og þær sigl-
ingar tóku langan tíma. Þá fannst
manni oft of langt milli frétta af
þeim. Það reyndi meira á.“
Slysavarnastarfið
er gefandi
Þorbjörg segir slysavarnastarfið
hafa gefið sér mjög mikið. „Þetta
hefur verið mjög gefandi að starfa
að þessu með góðum konum. Það
hefur verið góður félagsandi hjá
hópnum og þetta eflir samhuginn í
svona litlu samfélagi. Ræturnar fyr-
ir slysavarnastarfi eru sterkar hér
og stemning fyrir því. Slysavarna-
deild karla, Björg, var stofnuð hér
sama ár og Slysvarnafélag Íslands
árið 1928 þannig að þetta starf er
rótgróið hérna. Það er ríkjandi
hefð fyrir þessu starfi.“ Hún segir
starf kvennadeildarinnar ekki bara
hafa verið streð og peningasöfn-
un. Konurnar skemmtu sér sam-
an og jafnvel var farið í ferðalög
áður fyrr. Þau Þorbjörg og Kristinn
eignuðust sex börn en misstu elsta
son sinn af slysförum. Þau eiga nú
tvo syni og þrjár dætur á lífi. Barna-
börnin eru 18. Dæturnar búa á höf-
uðborgarsvæðinu en synirnir í Rifi
og á Hellissandi. Þeir starfa nú báð-
ir við fyrirtæki fjölskyldunnar, son-
urinn Halldór er meira við útgerð-
ina en Alexander aftur á móti með
fiskvinnsluna. „Halldór var á sjón-
um þar til síðasta haust að hann
kom í land. Elsta dóttir okkar, Erla,
starfaði við vinnsluna í tuttugu
ár en hætti fyrir einu og hálfu ári.
Við hjónin erum smám saman að
draga okkur frá þessu starfi en það
er mikil vinna og mikill vandi að
halda þessu öllu gangandi,“ sagði
Þorbjörg Alexandersdóttir í Rifi.
hb
Þorbjörg Alexandersdóttir sjómannskona í Rifi:
Var í hópi stofnenda kvennadeildar SVFÍ á Hellissandi og í Rifi
Björgunarmiðstöðin í Rifi og björgunarskipið Jón Oddgeir frá Sandgerði við
bryggjuna.
Þorbjörg Alexandersdóttir.