Tímarit Máls og menningar - 01.05.2002, Blaðsíða 66

Rúllandi heimar
Kápumynd tmm er af verki Margrétar H. Blöndal
Ljósmyndin sem prýðir kápu tmm er nærmynd
af verki eftir Margréti H. Blöndal myndlistar-
mann. Verkið samanstendur af boltum,
svampi, skafti og blöðrum sem vatn hefur
gufað upp úr og verður til sýnis á sýningunni
MYND - ís/ensk samtíma/ist í Listasafni
Reykjavíkur, Hafnarhúsi, í sumar.
Margrét segir að skopparaboltarnir á
kápumyndinni séu eins og litlir heimar með
mismunandi íbúum. Þeir kitli forvitnina enda sé
um litríkar og framandi verur að ræða. Undirlag-
ið sem verurnar hvíla á er úr gúmmíi og á það
að vísa til skúlptúranna á gólfinu. Skúlptúrarnir
eru gerðir úr svömpum og gúmmíefnum og
búa yfir eins konar dempunareiginleikum í rým-
inu, að sögn Margrétar, - þeir fá áhorfandann
til að staldra við meðan „heimarnir" rúlla
áfram.
Það vekur athygli að verk Margrétar saman-
stendur ekki bara af boltum sem hún hefur
augljóslega keypt í leikfangabúðinni, heldur líka
hlutum sem finna má í næstu kompu eða
kjallara. Margrét segist gjarnan notast við efni
sem hún finnur úti á götu, á mörkuðum eða
heima hjá sér í myndlist sinni. Oft þurfi hún að
hafa efnin lengi í kringum sig áður en hún finni
þeim farveg. Sumir hlutir ferðist jafnvel milli
verka og þannig hafi blöðrurnar gegnt annars
konar hlutverki áður fyrr. Margrét líkir listinni að
þessu leyti við súrdeig - með því að að taka
hluta af því skapast undirstaða að nýju deigi,
rétt eins og hlutar verka hennar ala stöðugt af
sér ný verk.
Áhugaverð sýning
Boltaheimar Margrétar eru eitt af mörgum
nýstárlegum verkum á sýningunni Mynd -
íslensk samtímalist. Aðrir sem eiga verk á sýn-
ingunni eru Anna Líndal, Birgir Andrésson,
Bjarni Sigurbjörnsson, Guðjón Bjarnason, Jón
Óskar, Ómar Stefánsson, Svava Björnsdóttir
og Þorvaldur Þorsteinsson.
Sýningin er stærsti myndlistarviðburður
Listahátíðar í Reykjavík í ár en hún var fyrst
opnuð í Henie Onstad listamiðstöðinni í Noregi
2001. Með því að setja innlendu samtímalistina
í öndvegi í tengslum við Listahátíð er Listasafn
Reykjavíkur að minna á að það sem er að
gerast í íslenskri myndlist er í fullu samræmi
við það sem er að gerast í listalífinu á alþjóðleg-
um vettvangi. íslensk samtímalist þykir fyrir
margar sakir athygliverð. Listamennirnir hafa
flestir numið í framandi löndum og tileinkað sér
þar ríkjandi myndmál en leitast engu að síður
við að Ijá því persónulegan blæ. Bæði íslensk
menning og aðstæður hafa síðan haft áhrif á
útkomuna og eiga sinn þátt í að móta íslenska
samtímalist.
Sýningin Mynd - íslensk samtímalist í Lista-
safni Reykjavíkur, Hafnarhúsi, stendur frá 12.
maí til 11. ágúst í sumar.
Listasafnið er opið daglega kl. 11:00-18:00
og á fimmtudögum kl. 11:00-19:00.
Margrét H. Blöndal (f. 1970) útskrifaðist frá MHÍ 1993 og lauk MFA
prófi frá Rutgers University, N.J., í Bandaríkjunum 1997. Hún starfar
að myndlist og hefur auk þess kennt f Myndlistaskólanum í
Reykjavík og Listaháskóla (slands.