Tímarit Máls og menningar - 01.02.2006, Blaðsíða 55

Spurt um mömmu
alla tíð síðan hef ég ferðast í huganum
til marglitu raddanna
sem þögnuðu við matarborðið
eitt símsölukvöld
Ljóðasamkeppni MENORS
og Tímarits Máls og menningar.
Menningarsamtök Norðlendinga, MENOR, efna til ljóðasam-
keppni í ár í samstarfi við Tímarit Máls og menningar. Að þessu
sinni verður þema keppninnar þulur og rapp. Þátttaka er heimil
fólki á öllum aldri og af öllu landinu. Skilafrestur er til 1. maí
næstkomandi. Þriggja manna dómnefnd velur þá þrjú bestu ljóð-
in sem hljóta vegleg bókaverðlaun.
Ljóðin á að senda undir dulnefni til MENOR /Pósthólf 384/
602 Akureyri merkt „Ljóðakeppni MENOR og TMM 2006“ í
lokuðu umslagi skal fylgja nafn höfundar, heimilisfang og síma-
númer. Umslagið skal merkt dulnefni höfundar. Aðeins verða
opnuð umslög verðlaunahöfunda.
Menningarsamtök Norðlendinga stóðu í fyrsta skipti fyrir
keppni á sviði ritaðs máls veturinn 1986-87 þegar samtökin og
RÚVAK efndu til samkeppni um ljóð og smásögur til flutnings í
svæðisútvarpinu. 1989 hófst samstarf milli MENORS og dag-
blaðsins Dags á Akureyri um ljóða og smásagnasamkeppni.
Síðan hefur slík keppni verið árviss viðburður í samvinnu við
Dag, DV, tímaritið Heima er best og nú síðast Tímarit Máls og
menningar. Úrval þessara ljóða og sagna var gefið út á bók á 20
ára afmæli MENORS árið 2002. Samkeppni um ritun einþátt-
unga var haldin árin 1998-2000 í samstarfi við Leikfélag Akur-
eyrar. Verðlaunaþættirnir voru settir á svið á Akureyri árið
2003.
TMM 2006 • 1
53