Tímarit Máls og menningar - 01.02.2006, Blaðsíða 104

Bókmenntir
en honum þótti munurinn of mikill
svo gaman alltaf hjá okkur strákunum
bryggjustrákum, heimurinn eitt stórt Já
það munar um minna
að síðustu kom hann hér einn
aleinn því hann var ekki lengur strákur
ekkert gaman lengur, hann stökk
aftur í algleymið
ég skil - sjálfur sífellt að vega
nei og já, ég dorga
með penna, með blað undir
aflann: eitt og eitt já
Já er seinasta orð bókarinnar. Við sættum okkur við þetta litla svar við upp-
haflegu spurningunni: Hvar endar maður? Maður endar þar sem maður neyð-
ist til að sættast við hina tilbúnu merkingu mannsins og reynir að gera gott úr
henni, með því til dæmis að yrkja ljóð. Maður endar í þessu litla orði - Já.
Sigríður Kristjánsdóttir
Hvernig á að búa á íslandi?
Trausti Valsson: Skipulag byggðar á tslandi. - Frá landnámi til líðandi stundar.
Háskólaútgáfan 2002.
Eins og nafnið bendir til er Skipulag byggðar á íslandi. Frá landnámi til líðandi
stundar yfirlitsrit fyrir bæði leika og lærða um skipulagsmál á íslandi og fæst
við samspil manns og lands allt frá upphafi landnáms til nútímans. I rauninni
er þetta nokkurs konar kennslubók í því hvernig á að búa í þessu blessaða landi
okkar. Trausti Valsson er prófessor í skipulagsfræði við Háskóla íslands; hann
hefur skrifað mikið um skipulagsmálefni og verið brautryðjandi í umræðu um
þau á íslandi. Mikil þörf er á umfjöllun um skipulag hér á landi og því fengur
að þessari bók. Hún vekur lesandann til umhugsunar um þá þætti sem hafa
haft og munu halda áfram að hafa áhrif á skipulagsmál á íslandi.
Söguleg nálgun
Trausti skoðar þróun búsetuformsins út frá því hvar maðurinn hefur valið að
búa á þessu harðbýla landi. Landið var numið á seinni hluta 9. aldar og til eru
vel skráðar heimildir um komu landnámsmanna og hvar og hvernig þeir völdu
sér bústað. Þetta er upphafspunktur bókarinnar. Smám saman lærðu menn að
102
TMM 2006 • 1