Heimsmynd - 01.10.1987, Qupperneq 117

i
snoturra stúlkna keppa um hylli ljós-
myndara eöa umboðsaðila. Brynja fékk
fljótt að finna fyrir því að svik og prettir
eru algeng í þessum bransa eins og hún
lýsti fyrir HEIMSMYND þegar hún
komst að því að ljósmyndari sem tók af
henni myndir notaði þær í auglýsinga-
i skyni án hennar samþykkis. Hún segist
fljótt hafa áttað sig á því hve varkár hún
þyrfti að vera. Hún stefndi umræddum
ljósmyndara, vann málið og fékk margfalt
hærri upphæð í skaðabætur en hefði hún
gert samning um að sitja fyrir.
Síðan er mikið vatn runnið til sjávar og
Brynja orðin öllum hnútum kunnug.
„Þótt útlit og hæfileikar verði að vera til
staðar í þessu starfi spila kringumstæður
og heppni sitt hlutverk líka.“
Engu að síður segja þeir sem til hennar
þekkja að hún sé hin fullkomna fagmann-
eskja í starfi sínu. Hún veit af eigin raun
að í þessu starfi dugir ekkert hálfkák. Af
þeim sökum hefur hún passað mjög upp á
útlit sitt, lætur sólina aldrei skína á húðina
og er mjög gætin í mataræði. Árangurinn
hefur heldur ekki látið á sér standa.
Brynja hefur verið eftirsótt sem fyrirsæta
af helstu tískufrömuðum Parísar; Louis
Féraud, Yves Saint Laurent, Chanel,
Rykiel og Azzedine Alaia. Hún hefur
einnig sýnt í Japan og segir ferðalögin
mest heillandi við starf sitt.
Meðfylgjandi myndir eru frá ítalska
hönnuðinum Gianni Versace. Það var
hinn frægi bandaríski ljósmyndari Irving
Penn sem tók að sér að mynda vetrarlín-
una frá Versace og var Brynja valin sem
önnur aðalfyrirsætan í stórum og myndar-
legum bæklingi Versace.
„Ég neita því ekki að ég er stolt af því
hvernig allt virðist hafa gengið upp hjá
henni,“ sagði móðir Brynju þegar Brynja
var hér f stuttri heimsókn nýlega.
Brynja sagði í viðtali við HEIMS-
MYND fyrir ári að hún hefði engan sér-
stakan áhuga á að leggja leiklist fyrir sig
eða tískuhönnun, sem virðist algengur
draumur ljósmyndafyrirsæta þegar þær
leggja sýningarstörf á hilluna. „Eitt veit ég
þó fyrir víst. Ég vil vera minn eigin stjórn-
andi og hafa aðra í vinnu hjá mér. Mig
langar að ná árangri á einhverju öðru sviði
en því sem ég er nú á en hvað það verður
veit ég ekki enn. Við sjáum til. Einhvern
tíma langar mig líka að eignast mína eigin
fjölskyldu. Rætist einn draumur tekur sá
næsti við. . .“
Eftir því sem HEIMSMYND kemst
næst er Brynja ekki ennþá búin að festa
ráð sitt í París. . .
ENN Á TOPPNUM