Heimsmynd - 01.10.1987, Page 124

Gary Hart vakti heimsathygli síðasta
vor þegar hann dró forsetaframboð sitt til
baka eftir að upp komst um ástarævintýri
hans og ungrar konu, Donnu Rice. Vart
fannst það tímarit eða dagblað sem ekki
gerði sér mat úr hrakförum Harts, sem
lýsti því yfir að hann myndi héðan í frá
snúa sér að lögmannsstörfum, jafnvel fara
að sinna hugðarefni sínu, ritstörfum.
Hvort Hart dró framboð sitt til baka um
stundarsakir meðan helstu hneyksliskvið-
urnar gengju yfir til þess eins að tilkynna
framboð aftur er spurning sem tímaritið
Newsweek veltir upp nýlega. Svo virðist
sem Gary Hart leiðist lögmannsstarfið og
ekkert hefur orðið úr skriftum, en hann
lýsti því yfir nýlega, að vísu óopinberlega,
að hann biði nú eftir því hvort einhver
annar frambjóðandi kæmi fram fyrir
demókrata sem forsetaefni þeirra. Kosn-
ingastjóri Harts, Bill Dixon, lýsti því síðan
yfir í útvarpsviðtali að allt benti til þess að
Gary Hart myndi endurskoða þá ákvörð-
un sína að draga sig í hlé. Hart hefur
hvorki staðfest né afneitað þessari yfir-
lýsingu.
Nýlegar skoðanakannanir benda til
þess að þrátt fyrir allt njóti Hart enn um-
talsverðs fylgis meðal demókrata þar sem
enginn annar frambjóðandi virðist nægi-
lega sterkur.
Haft er eftir fyrrum kosningastjóra
Harts að ef af framboði yrði myndi enginn
handagangur verða í öskjunni og starfslið
yrði mjög fámennt. Ýmsir fjölmiðlar hafa
túlkað þetta sem svo að Gary Hart ætlaði
að láta líta svo út að hann blandaði sér aft-
ur í slaginn til að halda öðrum frambjóð-
endum demókrata á mottunni en ekki til
að sigra. Pannig myndi Gary Hart fá á sig
ímynd þess sem er að berjast fyrir mál-
staðinn en ekki fyrir sjálfan sig og fengi
hann því samúð fyrir vikið. Auk þess

124 HEIMSMYND