Dagblaðið Vísir - DV - 22.11.2019, Blaðsíða 31

Stóra jólablaðið
22. nóvember 2019
KYNNINGARBLAÐ
Ábyrgðarmaður: Kolbrún Dröfn Ragnarsdóttir / kolla@dv.is Umsjón: Jóhanna María Einarsdóttir / johanna@dv.is
PIXLAR:
Gerðu minningarnar ódauðlegar í
persónulegum jólagjöfum frá Pixlar
Ljósmynda- og prentþjónustan Pixlar ehf. hefur í yfir fimmtán ár verið ein traustasta
prentþjónusta landsins. Ásamt því
að bjóða upp á hefðbundna prentun,
filmuframköllun, strigaprentun,
skönnun á myndum, filmum og slide-
filmum, tölvuvinnslu, netframköllun
og margt fleira er þar einnig að
finna frábærar jólagjafahugmyndir
á enn betra verði. Flest eigum
við ógrynnin öll af myndefni af
börnunum, vinunum, sjálfum okkur,
gæludýrunum og öllum þeim
framandi stöðum sem við höfum
komið til. Óneitanlega myndu
margar þessara ljósmynda sóma sér
vel á einstöku dagatali, strigamynd
eða jafnvel fallegri, innbundinni
ljósmyndabók. Einnig ber að nefna
að hjá Pixlar er mikið úrval af
römmum og kartonum í ramma á
mjög fínu verði.
Þú færð persónulegar og
skemmtilegar jólagjafir handa
vinum og vandamönnum hjá
Pixlar. Á vefsíðu Pixlar , pixlar.is
getur þú hannað falleg jólakort,
persónulegar ljósmyndabækur og
dásamleg dagatöl þar sem þú velur
ljósmyndirnar af þinni eigin tölvu
eða af samfélagsmiðlum. Við erum
tengd við Facebook, Instagram. Því
er hægt að hanna sitt eigið jólakort,
ljósmyndabók eða dagatal í næstum
hvaða tölvu sem er. Verð fyrir hvert
stykki af korti er frá 180–300 kr. og
umslög fylgja með.
Veggklukka með persónulegum
ljósmyndum er frábær jólagjöf.
Gerðu minningarnar ódauðlegar
Ljósmyndabækur eru stórkostlega
falleg og persónuleg jólagjöf hvort
heldur er handa fjölskyldumeðlimum
eða vinum. Ömmur og afar elska að
skoða myndir af barnabörnunum
og monta sig af þeim við meðlimi
Rótarýklúbbsins eða fólkið í kórnum.
Litlir símaskjáir henta illa í slíkt
þar sem flest erum við nú orðin
frekar sjóndöpur þegar komið
er yfir sextugt. Einnig er stórgóð
hugmynd, þegar vinir ferðast saman
til útlanda, að gera ferðalagið
ódauðlegt með því að prenta það á
bók. Jólin eru fullkominn tími til þess
að skoða ferðasöguna og minnast
þess þegar hjálpsami maðurinn með
sixpensarann hjálpaði þreyttum
ferðalöngum að finna illa merkta
airbnb-íbúð í framandi borg.
Persónuleg jólakort
Á vefsíðu Pixlar má hanna sitt eigið
jólakort á einfaldan, þægilegan og
ódýran máta. Hægt er að velja um
hvort prenta eigi á ljósmyndapappír
eða þykkan fallegan pappír sem
hægt er að skrifa á. Þú byrjar á að
velja stærðina á kortinu og útlitið.
Næst skrifarðu fallega jólakveðju
og svo lýkur ferlinu með því að
velja ljósmynd. Hafðu í huga að
panta jólakort í tæka tíð. Það tekur
allt að fimm virka daga að prenta
út pöntunina og þá sérstaklega
þegar nær dregur jólum. Þá þarf að
póstsetja kortin til þeirra sem eiga
að fá jólakort þetta árið. Alltaf er
gott að vera tímanlega þegar kemur
að jólakortunum.
Skipulagið hefur aldrei verið
skemmtilegra
Dagatöl eru nauðsynlegur
staðalbúnaður fyrir skipulagsfúsa
og verða að fallegu stofustássi
þegar myndirnar eru af
skemmtilegum minningum eða
heittelskuðum fjölskyldumeðlimum.
Á vefsíðu Pixlar má setja saman
forkunnarfögur og persónuleg
dagatöl. Mundu bara að það þarf
tólf myndir fyrir tólf mánuði, og
eina í viðbót fyrir forsíðuna. Einnig
er hægt að setja margar myndir
á hvern mánuð, allt eftir smekk
hvers og eins.
Stórar veggmyndir
Strigamyndir og foam-myndir eru
alltaf í hávegum hafðar og mikil
sala í þeim allt árið hjá Pixlar, en þó
sérstaklega fyrir hátíðarnar. Margir
taka gríðalega fallegar myndir á
símann sinn og myndir úr símum eru
orðnar í dag í mjög góðri upplausn
og því hægur vandi að prenta
stórt og fegra veggi heimilisins
eða vinnustaðarins. Starfsmenn
Pixlar skoða allar myndir sem á að
stækka með viðskiptavinum þannig
að myndin njóti sín sem allra best.
Best er að senda slíkar myndir sem
viðhengi á pixlar@pixlar.is og leita
álits hjá starfsfólki Pixlar.
Pixlar ehf. hefur einnig á
undanförnum árum verið að hasla
sér völl í prentun nafnspjalda,
veggspjalda, bæklinga og annars
auglýsingaefnis, sem hefur verið
mjög farsælt. Einnig framleiða
þeir töluvert af borðmerkingum,
sætaskipan og matseðlum
fyrir veislur ásamt alls konar
skrautprentun fyrir slík tilefni.
Nánari upplýsingar má nálgast á
vefsíðu Pixlar, pixlar.is
Suðurlandsbraut 52, 108 Reykjavík
Vefpóstur: pixlar@pixlar.is
Sími: 588-3700