Skírnir - 01.04.2006, Side 102

100
ÁRMANN JAKOBSSON
SKÍRNIR
illa og vera kjánalegur en að sjást alls ekki.21 Þátttaka í Survivor er
afrek sem lifa má á alla ævi, hvað þá að hafa sigrað í leiknum.
Keppendur í Survivor eru þó margir, á annað hundrað manns hafa
keppt í þættinum frá öndverðu og þátttaka í leiknum tryggir ekki
varanlega frægð utan heimahaganna (en þess eru dæmi að götur í
bandarískum smábæjum séu nefndar eftir Survivor-keppendum
þaðan). Þess vegna er mikilvægt fyrir keppendur að sviðsetja sig
sem persónur og ekki síst fyrir áhorfendur. Til þess hafa þeir
hjálpartæki og fá að spjalla við myndavélina öðru hvoru og ræða
leikinn. Þátttakendur í Survivor keppa ekki aðeins um sigur held-
ur líka sjónvarpstíma. Þeir sjónvarpsvænstu fá að tjá sig oftar og
lengur en aðrir og verða frægari. Það er ekki síst þessi hlið þáttar-
ins sem mér finnst forvitnileg — hvernig leikjaþættir geta breytt
lífi fólks sem annars hefði horfið í fjöldann, til dæmis getur furðu-
verk sem les lexíkon sér til skemmtunar breyst í skrýtna tegund af
þjóðhetju. Þó að keppendur fari ekki með sigur af hólmi getur
þeim tekist að gera úr sjálfum sér vel heppnaða sjónvarpspersónu
og sumir þeirra virðast ráðnir í að færa sér rækilega í nyt að hafa
komist í hóp elítunnar, þeirra sem hafa verið í sjónvarpi. Þar á
meðal er Richard Hatch úr Survivor, fyrsti sigurvegarinn sem setti
sig á svið sem illan snilling, eins konar Moriarty óbyggðanna.
Annar slíkur keppandi er áðurnefndur Rupert Boneham sem
tók þátt í sjöundu keppninni, Survivor á Perlueyjum. Samkvæmt
heimasíðu þáttanna er starf Ruperts að vinna með unglingum í
kreppu og það kemur á óvart miðað við villimannslegt útlit hans.
Hann er sver og tröllslegur með mikið og úfið hár og skegg og
21 Þetta er sjálfsagt misjafnt eftir því um hversu stórt menningarsvæði er að ræða.
Þegar þátturinn American Idol hefur verið sýndur hér hefur það iðulega vakið
reiði þeirra sem fjaila opinberlega um sjónvarp hversu mikið er sýnt af vita
hæfileikalausu fólki sem hefur sig að fífli með þátttöku sinni. En í Bandaríkj-
unum er þetta ekki alveg svo einfalt, þar mætir mikill fjöldi á staðinn en sárafá-
ir ná þeim árangri að sjást í sjónvarpi, hvort sem þeir syngja vel eða illa. Frá því
sjónarhorni sem hér er lýst má líta á það sem betri árangur að gera sig að fífli
en að sjást alls ekki. Raunar hefur einum hæfileikasnauðum keppanda (William
Hung heitir hann) tekist að verða skærari stjarna en flestum sem komust áleið-
is í keppninni, um hann hefur verið fjallað víða í heimspressunni og hann kom
meiraðsegja í heimsókn til íslands.