Gríma - 01.09.1942, Page 12

10
HAMRA-SETTA
[Gríma
er að vísu ekki sagt, hvaða dag lík Steingríms var
grafið upp, en telja verður það sanni næst, að þeir,
líkskoðunarmennirnir, hafi unnið eiðinn skömmu
eftir að þeir höfðu lokið athugunum sínum. Sé gert
ráð fyrir, að í vottorðinu sé miðað við vikumánuði,
ætti lát Steingríms að hafa borið að um miðjan des-
embermánuð 1539, annars nokkru fyrr.
Áður en fleiri heimildir eru færðar um atburð
þennan, virðist rétt að geta um kaupsamning, sem
gerður var að Eyvindará 18. marz 1540, eða tæpum
hálfum þriðja mánuði áður en dómþingið var háð að
Egilsstöðum.
Þá var Sesselja Loftsdóttir stödd á Eyvindará1) og
seldi Birni Jónssyni bónda þar eignarjörð sína Egils-
staði fyrir Hólaland í Borgarfirði (eystra), sem þá var
talið 10 hundruð að dýrleika. Átti Sesselja að fá sex
málnytu-kúgildi þá um vorið og hest fyrir hundrað;
auk þess skyldi hún fá þrjú hundruð að öðru vori í
öllum þarfligum peningum. En af kúgildunum bar
henni að svara tveimur „bænhúss-kúgildum“, og hafa
þau líklega átt að fylgja Egilsstöðum. En Björn
áskildi sér „aftur sína peninga alla, ef Egilsstaðir
kynni af að ganga með lögum“ (Isl. Fbrs. X. 514—
515). Þessi varnagli hefur haft sína þýðingu, því að
bæði höfðu orðið málaferli út af eignarrétti á Egils-
stöðum rúmum 20 árum áður,2) og svo hefur þá að
líkindum verið komið orð á, að ekki væri allt með
felldu um dauða Steingríms; mátti því búast við
málarekstri út af þessu, eins og reyndar kom á dag-
inn. Af bréfinu sést einnig, að jarðakaup þessi hafa
’) „í Ei5amannasveit,“ stendur í kaupbréfinu.
2) ísl. Fbrs. VIII. nr. 535.