Gríma - 01.09.1942, Side 30

28
HAMRA-SETTA
[Gríma
lendur gerði upptæka enska duggu á Loðmundarfirði
og léti drepa flesta skipverja. Fáum árum seinna hafi
svo Englendingar náð Erlendi og tekið hann af lífi. i
(Esp. Árb. III., 54—55). Sé þetta rétt, hefur það
gerzt fyrir 1522.
Kona Erlends hét Vilborg. Hefur hún verið eitt-
hvað laus á kostunum, því hún tók fram hjá bónda
sínum, líklega um 1520, og fékk hún kvittunarbréf
fyrir þetta sakferli nokkrum árum síðar. (Sbr. ísl.
Fbrs. IX, 417—418).
Sonur Erlends og Vilborgar var Bjarni sá, sem oft
er nefndur hér að framan og bæði vitnaði og dæmdi
í morðmálinu. Þeir hafa því verið náskyldir, Þor-
varður í Njarðvík og Bjarni. Hann tók ungur við óð-
ali feðra sinna, Ketilsstöðum, og var orðinn lögréttu-
maður, þegar morðmálið hófst. Var hann auðugur sem \
þeir frændur hans í Njarðvík og þótti héraðsríkur.
Það var því engin tilviljun, að hann væri kvaddur til
stórmála og að álit hans yrði þungt á metum. Ein-
hverrar hrösunar hefur þó kennt hjá honum, því að
12. apríl 1535 fékk hann kvittunarbréf af Einari
Árnasyni prófasti fyrir brot sín og misferli, „er hann
hafi kunnað að falla í“, og kveðst prófastur hafa „selt
honum skriftir og fengið fulla fésekt." (ísl. Fbrs. IX,
725—726).1)
Bjarni hefur að öllum líkindum fyrst fengið sýslu-
völd í Múlasýslu um 1542, en alls eigi fyrr, þó að því
sé haldið fram í Sýslumannaæfum.2) Og ekki mun
J) 1536 hefur Bjarni lent í nokkrum vandræðum út af jörð-
inni Firði í Seyðisfirði, og sýna bréf um það mál furðumikla
óprúttni hans (sbr. ísl. Fbrs. IX, 72, og ísl. Fbrs. X, 80—81).
2) Bogi Benediktsson gizkar á, að Bjarni hafi fengið sýslu-
völd 1513, en hann segir þó, að það sé „gáta sín“, enda er það