Gríma - 01.09.1942, Qupperneq 51

Gríma]
DRAUGASÖGUR
49
ganga austur Bíldsárskarð. Þetta sama kvöld kom
Jórunn að Kaupangi á norðurleið og vildi ólm og
uppvæg verða Jóakim samferða yfir heiðina. Hefur
hún ef til vill haft pata af ferð hans og viljað nota
tækifærið til að endurnýja gamlan kunningsskap á
leiðinni. Var Jóakim ekkert um það gefið, reis
snemma úr rekkju morguninn eftir og lagði af stað
án þess að gera Jórunni við vara. En ekki var hann
langt kominn vegar, þegar hann sá, að Jórunn kom á
eftir honum og gekk rösklega. Hvatti hann þá sporið
og gekk upp Bíldsárgil, en hún var jafnan snertuspöl
á eftir honum. Snjóalög voru mikil og hengjur í gil-
inu, og þegar fram á morguninn leið, gerði kafald.
Segir nú ekki af ferðum þeirra Jóakims og Jórunnar,
þangað til hann heyrði dynk mikinn og bresti að baki
sér; hafði brostið hengja úr gilbarminum og fallið yfir
Jórunni. Varð Jóakim bilt við, en af því að hann hafði
engin tök til að leita stúlkunnar og snjókoma fór sí-
vaxandi, tók hann það ráð, að snúa við til bæja og
komst í hríðinni að Brekku, sem stendur suður og upp
af Kaupangi, næst Vaðlaheiði. Jafnskjótt sem veður
leyfði, voru menn sendir að leita Jórunnar, og grófu
þeir hana örenda upp úr bingnum; þó er sagt, að þá
hafi hún sézt tifa litlafingri. Bundu þeir líkið á sleða
°g bjuggust til ferðar, en þá féll önnur hengja úr gil-
barminum; fengu þeir leitarmenn borgið sér sjálfum,
en sleðann og líkið misstu þeir í flóðið; urðu þeir að
hverfa aftur heim svo búnir, en nokkrum dögum síðar
var sleðinn grafinn að nýju upp úr snjónum og líkið
flutt að Kaupangi. Þar var Jórunn greftruð 23. nóv-
ember, og telur kirkjubók hana 39 ára gamla.
Jóakim tók sér þessa atburði mjög nærri. Gerðist
hann þunglyndur og kenndi sér um dauða Jórunnar,
4