Íþróttablaðið - 01.05.1978, Síða 21

Útilíf — ferðalög
Ferðafélag Akureyrar:
Fjölbreytt og
gróskumikið starf
sundlaug. Ég held að forystumenn í
ferðamálum verði að fara að opna augu
sín fyrir því, að Eyjafjörðurinn býður
upp á ýmsa möguleika, í stað þess að
beina öllum ferðamannastraumnum
fram hjá Akureyri.
Hótel Varðborg var byggt 1942, en
stækkað nokkuð 1967. Arnfinnur hefur
verið hótelstjóri þar í 12 ár. — Fyrstu
árin mín hérna var vetrartíminn mjög
daufur, sagði hann. — En nú eru við-
skiptin alltaf að aukast. Ástæðurnar eru
ýmsar. Bærinn er vaxandi og hér er
iðnaður og verslun að aukast. Því fylgir
aukin umferð. Skólahópar eru hér allt-
af á ferðinni og íþróttahópar eru stórir
viðskiptavinir. Nýtingin er því alltaf að
batna. Við höfum tekið upp þá stefnu
að vera bara með gistingu og morgun-
verð hérna, því það sparar mikið í
mannahaldi. Það virðist ekki hafa nein
áhrif á aðsóknina. Fólk er á þeytingi
hvort sem er og þykir þá ágætt að geta
borðað ódýrt á kaffiteríum bæjarins.
Afkoman er þokkaleg í dag, en enginn
veit hvernig hún verður á morgun. Það
ræðst af því hvernig íslenskt efnahagslíf
verður og hvort einhver vill nota hótel-
ið.
— Við höfum ekki áhuga á að stækka
þetta hótel, sagði Arnfinnur. — Það er í
þægilegri stærð, 26 herbergi. Við viljum
heldur nýta það fé sem afgangs verður
til að lagfæra húsið og gera það eins
snyrtilegt og heimilislegt og hægt er.
AAkureyri er starfandi Ferðafé-
lag, sem orðið er rúmlega 40
ára er mjög öflugt og mikið
starfandi. íþróttablaðið hafði
tal af formanninum, Magnúsi Krist-
inssyni og bað hann að segja frá
starfseminni.
— Markmið félagsins þegar það var
stofnað, sagði Magnús, var að gefa fólki
kost á ódýrum ferðum og fræðslu um
landið. Á þeim tíma voru það fáir sem
höfðu farið um óbyggðir að einhverju
ráði og var líka talið öryggi í að hafa
hóp af fólki sem væri kunnugt í
óbyggðum og vant fjallaferðum, enda
voru þá ekki til hjálparsveitir. Það kom
í ljós þegar Geysisslysið varð, að þetta
var rétt ályktað, því hópur úr Ferðafé-
lagi Akureyrar undir stjórn Þorsteins
Þorsteinssonar þáverandi fram-
kvæmdastjóra fór þá til hjálpar.
— Ferðafélagið starfar enn að sama
markmiði og í upphafi, sagði Magnús.
— Við leitumst við að ná því með því að
skipuleggja ferðir á kostnaðarverði og
er reynt að hafa þær sem fjölbreyttast-
ar. Á vetrum erum við mest með
gönguferðir, bæði fótgangandi og á
skíðum, en á sumrum taka bílferðir að
nokkru leyti við. Mest er þá ekið um
óbyggðir. Ferðirnar eru allt frá eins
kvölds upp í 9 daga sumarleyfisferð. I
lengri ferðunum höfum við sameigin-
legan mat tvisvar á dag, enda býður það
upp á betri félagsanda en þegar hver
kúldrast með sitt. Þegar ferðir eru
hafðar á kostnaðarverði þýðir það, að
þær falla niður ef lítil þátttaka er.
Gönguferðir eru að vísu alltaf ókeypis.
— Starfið innan félagsins fer að mestu
fram í nefndum, sagði Magnús. —
Stjórn er kjörin á aðalfundi, en hún
skipar síðan í all margar nefndir sem
skipuleggja starfið. Ferðanmefndin
skipuleggur ferðirnar, sérstök nefnd sér
um rekstur á skálum og ritnefnd er fyrir
ársritið Ferðir, sem hefur komið út síð-
an 1940. Félagið á 4 skála, Þorsteins-
skála í Herðubreiðarlindum, Dreka við
Dyngjufjöll, Laugafell norðan Hofs-
jökuls og Famba sem er inni við botn
Glerárdals. Þá er í smíðum skáli við
Bræðrafell vestan Herðubreiðar. Tveir
þeir síðastnefndu eru miðaðir við þarfir
göngufólks og engir akvegir að þeim.
Félagið hefur verið að beita sér fyrir
auknum gönguferðum, því fólk ferðast
orðið mikið á jeppum um óbyggðir.
Þátttakan fer líka vaxandi í gönguferð-
unum. Sl. 3 ár höfum við tekið upp
skíðagönguferðir og er vaxandi áhugi á
þeim.
— Skálamir hafa verið mest notaðir
að sumrinu, sagði Magnús, — en með
tilkomu vélsleða hefur vetramotkun
aukist. Skálamir eru opnir öllum með-
an pláss leyfir. Það er ekki hægt að
panta pláss þar, en ferðafólk á vegum
félagsins gengur fyrir. Fólk er beðið að
greiða lágt gjald fyrir næturgreiðann og
leggja peninga í bauka fyrir. Með vax-
andi umferð hefur það reynst aukinn
fjöldi sem ekki greiðir fyrir gistinguna.
Framhald á bls. 85
21