Íþróttablaðið - 01.05.1978, Page 96

Breiðan í Laxá í Aðaldal. Draumastaður margra veiðimanna.
sleppingum og lagfæringum á göngu-
leiðum og hrygningarskilyrðum.
Af framantöldu má sjá að horfur
fyrir íslenzka stangveiðimenn eru góðar
í framtíðinni ef ekkert óvænt kemur
upp. íslendingar hafa verið blessunar-
lega lausir við sjúkdóma í vatnafiskum
sínum og vonandi að svo verði áfram.
Strangar reglur eru um sótthreinsun
veiðarfæra erlendra veiðimanna, sem
koma hingað til lands og hafi þeir ekki
vottorð frá dýralækni í heimalandi sínu
um sótthreinsun, eru öll veiðitæki tekin
og sótthreinsuð af íslenzku tollgæzl-
unni. Þessar ráðstafanir og aðrar eiga
að tryggja eins og frekast verður unnt
gegn ægivaldi fisksjúkdómanna.
Að lokum látum við hér fara stuttar
hugrenningar veiðimanns á sumar-
kvöldi. „Það var farið að skyggja örlítið
og rúmur klukkutími eftir af veiðitím-
anum. Þetta var fyrsti dagur veiðanna
og ég hafði ekki orðið var þótt nóg væri
af stökkvandi laxi. Hann leit hreinlega
ekki við agninu hjá mér. Ég var orðinn
dálítið óþreyjufullur, en vissi þó að það
hlyti að koma að því að hann tæki. Ég
tók litla fallega dökka flugu, sem
kunningi minn hafði hnýtt og fært mér
áður en ég lagði af stað með þeim orð-
um að hana skyldi ég reyna, er líða færi
á daginn og ef annað hefði ekki gengið.
Sjálfur komst hann ekki með í þetta
skipti vegna veikinda og mér hlýnaði
um hjartaræturnar er ég fann hve inni-
lega hann óskaði mér góðrar ferðar. Ég
sendi honum hljóðar þakkir um leið og
ég hnýtti fluguna á og allt í einu fór um
mig straumur eftirvæntingar og ég fann
á mér að nú myndi eitthvað gerast.
Ég stóð við uppáhalds hylinn minn
og byrjaði á stuttum köstum til að sjá
hvemig flugan færi í vatninu. I 4. kasti
sá ég skyndilega ólgu á yfirborðinu þar
sem flugan lendi og er ég dró hana hægt
að mér sá ég mikil boðaföll og áður en
varði stökk fallegur lax á fluguna. Ég
fann hvemig adrenalínið streymdi um
æðar mér um leið og ég reisti stöngina
og fann eldsnöggt átakið. Laxinn tók
Framhald á bls. 85
Mikið átak hefur verið gert í fisktæktarmálum á undanförnum árum.
J