Íþróttablaðið - 01.04.1994, Blaðsíða 18

Almenningur á íslandi gerir gífur-
legar kröfur til afreksmanna okkar
sem keppa á alþjóðlegum mótum og
hefur gagnrýni á frammistöðu þeirra
af hálfu almennings og fjölmiðla oft
á tíðum verið harkaleg. Skemmst er
að minnast þátttöku íslenska skíða-
landsliðsins á Ólympíuleikunum í
Lillehammer fyrir skömmu, þar sem
íþróttamennirnir voru dæmdir
harkalega og talað um lálegan ár-
angur. En hversu lélegur var árang-
urinn? Til hvers getum við ætlast af
okkar íþróttamönnum miðað við
það hversu miklu fé er varið til
íþróttastarfssemi og til styrktar af-
reksmönnum og hversu miklu þarf
að verja til að við eignumst íþrótta-
menn sem vinna til gullverðlauna á
heimsmeistaramótum og Ólympíu-
leikum. Fengnir voru fimm afreks-
menn til að lýsa skoðunum sfnum og
reyna að nálgast það sem til þarf.
Það skal tekið fram að íþróttamenn-
irnir, sem allir stunda einstaklings-
íþróttir, voru beðnir um að reyna að
gera sér grein fyrir því hversu mikla
fjármuni og aðstöðu þeir þyrftu til
að geta einbeitt sér að íþrótt sinni,
með gullverðlaun í huga.
Þaðeróhættaðfullyrða miðaðvið
niðurstöðurnar, og það er samdóma
álit íþróttamannanna, að það sé fjar-
lægur draumur að við eignumst slíkt
afreksfólk. íslendingar geti ekki á
nokkurn hátt keppt við afreksmenn
þeirra þjóða sem fremst standa.
I samvinnu við Sigurð Einarsson
spjótkastara tókum við saman hve
háar fjárhæðir þyrftu að lágmarki að
koma til til að viðkomandi afreks-
maður gæti stundað íþrótt, með fyrr-
greind markmið að leiðarljósi. Sig-
urður hefur mikla reynslu og veit
hvað til þarf, enda segir hann hér í
viðtali að peningaleysi séu í raun sá
þáttur sem komið hafi í veg fyrir að
hann hafi náð þessum árangri.
Niðurstaðan: 4,5 milljónir, og það
er lágmark, en menn verða að gera
sér það Ijóst að þessi fjárhæð í eitt ár
dugar íþróttamanninum ekki, heldur
má gera ráð fyrir sömu upphæð í um
10 ár, eða45 milljónum króna. Þessir
fjármunir eru notaðir til að greiða
ferðakostnað og æfingabúðir auk að-
stoðar s.s. vegna þjálfara, lækna og
nudds, bætiefni og vítamín auk fram-
færslu. Þá er gert ráð fyrir sparifé til
að mæta ófyrirsjáanlegum kostnaði.
Sigurður Einarsson spjótkastari
Afreksmannasjóður ÍSÍ styrkir
bæði efnilega íþróttamenn og afreks-
menn og skiptist styrkveitingin í
tvennt, a-styrk og b-styrk. Styrkirnir
eru veittirtil sex mánaða í senn oger
a-styrkurinn 80 þús. á mánuði, en
b-styrkurinn 40 þúsund. Af viðmæl-
endum okkar eru þeir Daníel Jakobs-
son, Tryggvi Nielsen og Sigurður Ein-
arsson á b-styrk.
Sundurliðun
Ferðakostnaður 1.000.000
Æfingabúðir 225.000
Þjálfari 500.000
Læknisaðstoð 250.000
Nudd og hnykkingar 150.000
Næringar og bætiefni 300.000
Framfærsla 1.400.000
Sparifé 565.000
Samtals 4.500.000
18