Íslenskar landbúnaðarrannsóknir - 01.03.1969, Qupperneq 53

EFNAINNIHALD OG MELTANLEIKI ÚTHAGAPLANTNA 51
Sortulyng - Arctostaþhylos uva ursi
Hráeggj ahvita
Eggjahvítumagnið er hæst í öllum teg-
undum, nema sortulyngi, á tímabilinu 15.
maí—1. júní, eða þegar eftir að spretta
þeirra hefst. Síðan tekur það að lækka og
er orðið lágt í lok ágúst. Lágmarki hefur
það yfirleitt náð 1. októher. í túnvingli
helzt eggjahvítumagnið lítið breytt fram
yfir miðjan júlí, enda er hann að mynda
ný blöð fram að þeim tíma. Innihaldið
breytist lítið yfir veturinn og er þá 6—8%.
Það hækkar skyndilega, er spretta hefst að
nýju vorið 1966, og enn er það á tímabil-
inu 15. maí—1. júní. Þessar breytingar eftir
árstíma eiga sér ekki stað í sortulyngi, og
er innihald þess aðeins um 3—4%.
Hæst kemst eggjahvítumagnið í gulvíði,
27% í júní 1965, en lækkar mjög ört.
Fosfór
Um fosfórinnihald plantnanna úr Heið-
mörk gegnir svipuðu máli og um hráeggja-
hvítuna. Það er hæst 15. maí— 1. júní, en
lækkar síðan ört og er orðið mjög lágt
þegar í júlí. Lágmarki hefur það náð 1.
október. Sortulyng er undantekning, og er
innihald þess lágt og nær óbreytt, 0.06—
0.08%, allt söfnunartímabilið.
Fosfórinnihaldið kemst hæst í víði, en
fellur þar einnig örast. í túnvingli er inni-
haldið mjög lágt fyrra sumarið, sem safn-
að var, og aldrei meira en 0.15%, en vorið
eftir kemst það í 0.22%, sem er talið sæmi-
legt. Innihaldið helzt lítið breytt fram til
ágústloka.