Ljósmæðrablaðið - des. 2020, Síða 13

13
Það er skemmst að segja frá því að nær allt al-
þjóðastarf hefur legið niðri á veiruárinu 2020. Flest
öllum ráðstefnum hefur verið frestað, þar á meðal
alþjóðaráðstefnu ICM á Balí ICM hefur nú gefið út
að sú ráðstefna verði á netinu á næsta ári svo enn
er lífið ekki komið í eðlilegt horf.
ICM hélt þó stjórnarfund sinn á Zoom en í stað
þess að fjalla um stefnur og stefnubreytingar í tvo
og hálfan dag var Zoomfundur þar sem farið var í
þau verkefni sem ekki þoldu bið eins og t.d. kjör
í embætti. Einnig hefur Evrópudeild ICM hist á
Zoom til að bera saman bækur sínar.
Stjórnarfundur NJF var einnig á rafrænu formi
þetta árið og var því í eðli sínu styttri og færra rætt
en undir venjulegum kringumstæðum. Ákveðið var
að fresta fundi og freista þess að hittast í febrúar
2021 en litlar líkur eru nú á því að það gangi eftir.
Stjórnarfundur EMA var einnig rafrænn og
stuttur og lítið gert nema að samþykkja fjárhagsá-
ætlun og reikninga ásamt því að kjósa fólk í emb-
ætti.
Nú í nóvember lauk þriggja ára samstarfsverk-
efni LMFÍ og KNOV, hollenska ljósmæðrafélagsins.
Verkefnið var unnið samkvæmt hugmyndafræði
Twinning samstarfs. Hvert ljósmæðrapar vann að
ákveðnu verkefni sem snerti hag ljósmæðra og/
eða skjólstæðinga. Edythe Mangindin var verk-
efnastjóri Íslands megin.
Alþjóðastarf LMFÍ 2020
Áslaug Valsdóttir, formaður Ljósmæðrafélags Íslands
Ljósmæðrafélag Íslands í 100 ár
Í tilefni 100 ára afmælis Ljósmæðrafélags Ís-
lands 2019 var ákveðið að endurútgefa ljós-
mæðratal og bæta við skrifum um sögu félags-
ins. Þráðurinn var tekinn upp frá því að ritið
Ljósmæður á Íslandi kom út árið 1984; í tilefni
60 ára afmælis 1979. Verkið er viðamikið og út-
gáfan hefur dregist á langinn en fagnaðarefni
að það kemur út núna um áramótin 2020-2021.
Bókaútgáfan Hólar gefur bókina út í sam-
vinnu við Ljósmæðrafélag Íslands. Hún inni-
heldur hún hvort tveggja í senn ljósmæðra-
tal fyrir árin 1984-2019 og þætti úr sögu
ljósmæðra á Íslandi til okkar daga. Ljósmæðra-
félagið sér um að koma bókinni til áskrifenda
en fjölmargar ljósmæður hafa tryggt sér eintak.
Bókina Ljósmæðrafélag Íslands í 100 ár er hægt
að panta í netfanginu holar@holabok.is.