Ljósmæðrablaðið - dec 2020, Qupperneq 44

44
Fósturmissir: Ein af hverjum þremur
Að missa fóstur getur verið sorgleg reynsla og finna mörg sem í gegnum hana ganga
þörf fyrir að afla sér upplýsinga um allt sem missinum tengist. Talið er að ein af hverjum
þremur konum missi fóstur á frjósemisskeiði sínu. Rannsóknir og upplýsingar um
fósturmissi eru þó af skornum skammti og hingað til hefur þessi reynsla verið sveipuð
þagnarhjúpi.
Komin er út bók sem; annars vegar er fræðsla um fósturmissi sem ætluð er almenningi og
hins vegar reynslusögur fólks af því að missa fóstur. Vonast höfundar til að með bókinni fái fólk
sem gengur í gegnum fósturmissi og aðstandendur þeirra einhver svör við þeim spurningum
sem á þeim brenna og finni umfram allt að þau eru ekki ein. Bókin getur einnig nýst heilbrigðis-
starfsfólki og nemendum í heilbrigðisvísindum til þess að fá betur innsýn í reynsluheim fólks
sem missir fóstur og hvað það er sem fólki finnst mikilvægt í umönnun heilbrigðisstarfsfólks.
Höfundar bókarinnar eru:
Júlí Ósk Antonsdóttir er lögfræðingur og starfar sem lögmaður hjá Lögmönnum Norðurlandi og sem aðjúnkt við lagadeild
Háskólans á Akureyri. Hún er móðir þriggja dásamlegra barna og þriggja lítilla engla sem fóru eftir 6-11 vikna meðgöngu.
Sigfríður Inga Karlsdóttir er hjúkrunarfræðingur og ljósmóðir með doktorspróf í ljósmóðurfræði og starfar sem dósent við
Háskólann á Akureyri. Hún er móðir þriggja yndislegra stelpna og á einn lítinn engil sem fór eftir 12 vikna meðgöngu.
Sigríður Halldórsdóttir er hjúkrunarfræðingur með doktorspróf í heilbrigðisvísindum og er prófessor við Háskólann á Akureyri.
Hún er móðir þriggja gleðigjafa og amma fimm barna. Hún á líka einn lítinn engil á himnum sem fór eftir 10 vikna meðgöngu.
Blessuð sé minning ljósmæðra
sem létust á árinu 2020