Ljósmæðrablaðið - des. 2020, Blaðsíða 62

62
Ljósmæðrafélagið skilaði inn tveimur umsögnum
við frumvarp félagsmálaráðherra um foreldra- og
fæðingarorlof í byrjun október og desember á
þessu ári. Í kjölfarið var gerð grein fyrir umsögn-
unum fyrir velferðarnefnd Alþingis. Helstu áhersl-
ur frumvarpsins snúa að því að lengja orlofið úr
samtals 10 mánuðum í samtals 12 mánuði, þar
sem hvort foreldri fær 6 mánaða sjálfstæðan rétt
og þar af er einn mánuður framseljanlegur yfir til
hins foreldrisins. Yfirlýst markmið frumvarpsins er
að jafna hlut kynjanna á vinnumarkaði og á heim-
ilum. Í fyrstu drögum að frumvarpinu stóð til að
stytta tímann sem hægt er að taka út orlofið úr
24 mánuðum eftir fæðingu barns í 18 mánuði en
fallið var frá því í seinni útgáfu þess eftir fjölda
umsagna sem mæltu gegn því.
Innihald umsagna LMFÍ
Í meginatriðum beggja umsagna Ljósmæðra-
félagsins kom fram að fagna bæri þeim áfanga
að lengja orlofið en félagið gerði athugasemdir
við að frumvarpið skorti sveigjanleika fyrir for-
eldra og tæki þannig ekki tillit til mismunandi
aðstæðna fólks og barnsins. Hætta er á að sú
tekjurýrnun sem gjarnan fylgir fæðingarorlofi hafi
það í för með sér að tekjuhærra foreldrið, sem
oftar er faðir barnsins, muni ekki taka orlofið að
fullu og nauðsynlegt sé að hækka þakið og auka
sveigjanleika. Því lagði félagið til að framseljan-
legur réttur yrði að minnsta kosti tveir mánuðir í
stað eins til að mæta ólíkum þörfum fjölskyldna.
Réttur til fæðingarorlofs og fæðingarstyrks ætti
fyrst og fremst að vera réttur barnsins til samvista
við foreldra en ekki öfugt.
Við ljósmæður þekkjum það vel í okkar starfi að
konur hætta gjarnan að vinna í kringum 36 vikna
meðgöngu vegna álags og þreytu sem er algeng-
ur fylgikvilli meðgöngunnar. Við sjáum ennfremur
aukningu á ýmsum meðgöngusjúkdómum sem
Ljósmæðrafélagið
viðrar skoðanir sínar
á fæðingarorlofskerfinu
Inga María Hlíðar Thorsteinson, varaformaður Ljósmæðrafélagsins