Studia Islandica - 01.06.1970, Blaðsíða 40

III í ANDA JÓHANNS
Hadda Padda
Á fyrstu árum sínum í Kaupmannahöfn samdi Guðmund-
ur Kamban tvö leikrit, Höddu Pöddu og Konungsglímuna.
Eru þau bæði samtímaleikrit í nýrómantískum stíl og gerast
meðal borgarastéttarinnar á Islandi.
Hadda Padda, sorgarleikur í fjórum þáttmn, kom út á
dönsku í Kaupmannahöfn vorið 1914 og á íslenzku litlu síð-
ar sama ár.1 Leikritið hafði Kamban samið á íslenzku árið
1912, sama ár og Fjalla-Eyvindur Jóhanns Sigurjónssonar
var svndur í Kaupmannahöfn.2 Þýddi hann það síðan á
dönsku og fékk gefið út.3
Efni leikritsins er ást Hrafnhildar — Höddu Pöddu — og
síðar örvænting og hefnd, eftir að unnusti hennar, Ingólfur,
hefur svikið hana. I upphafi leiksins virðist ekkert skyggja
á ást þeirra og hamingju, en strax í næsta þætti er hann
skyndilega orðinn henni afhuga og farinn að elska Krist-
rúnu, yngri systur hennar. Þegar svo er komið, ákveður
Hadda Padda að deyja og taka Ingólf með sér í dauðann.
Henni tekst að fá hann upp að djúpu klettagljúfri, en einmitt
þar hafði hann eitt sinn lagt líf sitt í hennar hendur, er hann
seig í gljúfrið bundinn vaði, sem hún ein hélt. Grunlaus
heldur nú Ingólfur í vaðinn, meðan Hadda Padda sígur í
1 Sbr. Morgunblaðið 25. 5. 1914.
2 Fjalla-Eyvindur var frumsýndur í Dagmarleikhúsinu 20. maí
1912, sbr. Toldberg, 41. Sjá smágrein eftir Kamban í Berlingske Tidende
26. 9. 1915.
3 Sbr. Stefán Einarsson 1932, 11. Tvö fyrstu leikrit Kambans komu
út hjá Gyldendal.