Saga - 2015, Síða 90

Snemma árs 1931 var hönnun verkamannabústaða komin á skrið
og Byggingarfélag alþýðu fékk uppdrætti einars erlendssonar til
umsagnar. Á þriðja fundi Byggingarfélags alþýðu, þann 18. febrúar
1931, voru gerðar margvíslegar athugasemdir við uppdrætti, m.a.
um eldhús og þvottahús. Guðmundur J. Guðmundsson sagði af
þessu tilefni: „[Byggingarfélagið] vildi hafa bað, eldhúsinnréttingar
og þvottahús og þurrkhús í kjallara.“30 Á fjórða fundi félagsins,
þriðjudaginn 23. júní sama ár, var samþykkt að vinna eftir lag-
færðum teikningum einars erlendssonar. eftir þessu að dæma hafa
félagsmenn verið sér meðvitandi um tiltekin gæði, svo sem baðher-
bergi og innréttingar og búnað í eldhúsi. Þannig virðist Byggingar -
félag alþýðu hafa náð að setja mark sitt á verkið og hönnuðir, sem
annars voru þekktir af klassískum viðhorfum, reyndust síður en svo
ósnortnir af fúnksjónalisma þegar á reyndi.31
gunnar sveinbjörn óskarsson88
Mynd 8. Hofsvallagata, ásýnd áfanga 2. — Ljósm. greinarhöfundar.
30 Guðjón Friðriksson, Reykjavík bernsku minnar, bls. 24.
31 klassísk viðhorf Guðjóns Samúelssonar má sjá í ýmsum verka hans, svo sem
Landakotskirkju, Hallgrímskirkju og Landspítalanum. einar var og kunnur
fyrir að teikna íbúðarhús í klassískum stíl, hannaði m.a. Sólvallagötu 12 sem
nú er Hússtjórnarskóli; sjá uppdráttasafn byggingarfulltrúans í Reykjavík.