Strandapósturinn - 01.06.2021, Blaðsíða 156

155
Barnaskólinn
Bæjarskólahverfi
Borðeyri
Strandasýslu
Þorbjörn Bjarnason
frá Lyngholti
Síðla vors 2013 var haft samband við mig símleiðis og ég beðinn um að
skrifa grein um Barnaskólann á Borðeyri sem birtast ætti í Strandapóst-
inum.
Haustið 1957 hóf ég kennslu við Barnaskólann á Borðeyri, þá nýút-
skrifaður frá Kennaraskóla Íslands. Ég starfaði síðan við skólann í 23 ár
bæði sem skólastjóri og kennari til vorsins 1980. Þá fékk ég ársorlof á
launum til að leggja stund á sérkennslufræði við Kennaraháskóla Íslands í
Reykjavík. Ég fann fljótt hvað þetta nám var mér mikils virði og langaði til
að afla mér meiri menntunar á sviði fötlunarfræði. Ég sótti aftur um orlof
til að stunda framhaldsnám í Noregi við sérkennsluháskóla í Bærum og í
Ósló og fékk orlofið, að vísu án launa. Þá skráði ég mig inn á svokallaða
S deild í skólanum, en þar var lögð sérstök áhersla á kennslu blindra og
sjónskertra og þaðan lauk ég prófi vorið 1982. Þar með lauk kennslu
minni við Barnaskólann á Borðeyri og aðrir tóku þar við, en ég hóf kennslu
í Reykjavík.
Bæjarhreppur
Syðsti hluti Strandasýslu var Bæjarhreppur, sem lá frá Stikuhálsi suður að
Hæðarsteini á Holtavörðuheiði. Hann hefur núna sameinast sveitunum í
Vestur-Húnavatnssýslu og telst því til þeirrar sýslu en ekki til Strandasýslu.
Hann er allur á lengdina og trúi ég að það séu að minnsta kosti 60 km á
milli Gilhaga, sem var áður fremsti bærinn í sveitinni og ysta bæjar sem er
Skálholtsvík, þar sem enn er stundaður góður búskapur. Einnig var búið á