Strandapósturinn - 01.06.2021, Blaðsíða 109

108
var mikil breyting. Verslunarhúsið var einnig einangrað og klætt að utan
jafnframt því sem lagfært var innandyra og búðin stækkuð. Um sama leyti
var gamla samkomuhúsið tekið í gegn, gólfið steypt og það klætt að innan
með krossviði og eldunaraðstaðan bætt og það notað sem mötuneyti.
Á árum áður sváfu menn á Óspakseyri allt haustið en það var fyrir
mína tíð.
KBÓ eignaðist þrjá flutningabíla af Volvo gerð á árunum 1978 til 1986
og flutti þá allt fyrir sjálft sig og smávegis fyrir aðra. Yfirleitt var farin ein
ferð í viku, en oftar á þeim árum þegar mestar framkvæmdir stóðu yfir í
sveitinni og margir voru að byggja.
Fjárflutningar voru hér eins og annars staðar viðfangsefni kaupfélags-
ins, eftir að hætt var að reka fé til slátrunar eða flytja það á vögnum. Fyrstu
árin sáu einstaklingar um flutningana þangað til félagið eignaðist gamlan
Volvo sem það notaði til þessa verks.
Síðasti vöruflutningabíllinn var tekinn til fjárflutninga í sláturtíðinni
1999, þegar við hættum vöruflutningum og aðrir tóku þá flutninga að sér.
Í búðinni var öll vöruúttekt skrifuð inn í kladda og var það seinlegt
verk ef mikið var verslað og svo var eftir öll vinna við að reikna út á eftir.
Árið 1980 var byrjað á að skrá hverja tölu inn á reiknivél og færa aðeins
niðurstöðina á nótuna, en viðskiptamaðurinn fékk strimilinn úr reikni-
vélinni. Þetta var mikill léttir og svo komu búðarkassar seinna, sem enn
auðvelduðu bæði afgreiðslu og uppgjör.
Ríkisrafmagn kom 15.08.1975, en fram að því var notast við dísel
ljósamótora. Með ríkisrafmagninu voru settir rafmagnsofnar í búðina, en
áður var þar einn lítill gashitari, sem mátti sín lítils í kuldum. Oft var
kuldinn svo mikill í búðinni að morgni að við þurftum að byrja á því að
Bifreiðar Kaupfélags Bitrufjarðar. Ljósmyndir Sigrún Magnúsdótttir