Morgunblaðið - 17.03.2022, Blaðsíða 8

8 FRÉTTIR
Innlent
MORGUNBLAÐIÐ FIMMTUDAGUR 17. MARS 2022
Sigurður Már Jónsson blaðamaður
fjallar um Sundabraut í nýlegum
pistli á mbl.is. Hann nefnir að yfir-
gnæfandi meirihluti landsmanna
styðji framkvæmdina og að fáir séu
henni andsnúnir, til
dæmis aðeins 9%
Reykvíkinga.
- - -
Þrátt fyrir þetta
og þá staðreynd
að Sundabraut hefur
verið áformuð í ára-
tugi er hún enn að-
eins á hugmyndastigi
og ekki einu sinni bú-
ið að ákveða hvernig
hún verði lögð.
- - -
Eins og Sigurður
Már bendir á er
skýringin mikil andstaða meirihlut-
ans í borginni, líklega mest hjá Píröt-
um, segir hann. Nýlega hafi Dóra
Björt Guðjónsdóttir, oddviti Pírata,
til dæmis sett fram hugleiðingar, þar
sem hún hafi sagt Sundabraut vera
„umferðaraukandi aðgerð“ og hafa
„neikvæð áhrif á á fjölda hjólreiða-
ferða og ferða með almennings-
samgöngum“.
- - -
Sigurður Már rifjar einnig upp
fund sem hann var staddur á
ásamt Hjálmari Sveinssyni, borg-
arfulltrúa Samfylkingar, sem talaði
þar gegn Sundabraut. Meðal rök-
semda var að með brautinni yrðu
„umferðartafir á Sæbraut. – Að um-
ferðarbætur skapi bara nýjar um-
ferðartafir!“
- - -
Meirihlutinn í borginni er þegar
búinn að útiloka hagkvæmasta
kostinn fyrir brautina og hefur öll
tækifæri til að þvælast áfram fyrir
öðrum kostum sem eiga eftir að
koma upp í þeirri vinnu sem fram
undan er við að hanna Sundabraut.
Engin ástæða er til að efast um að
það verði gert að óbreyttum meiri-
hluta.
Dóra Björt
Guðjónsdóttir
Meirihluti með en
meirihluti á móti
STAKSTEINAR
Hjálmar
Sveinsson
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Baðinnréttingar
Fríform ehf.
Askalind 3,
201 Kópavogur.
562–1500
Friform.is.
2
0
0
0
—
2
0
2
0
Tímabundin opnunartími
vegna Covid–19
Mán. – Föst. 10–17
Laugardaga 11–15
„Það er alltaf best þegar okkur
tekst að ræða málin og finna
sameiginlegar leiðir. Það gerum við
t.d. þegar kjarasamningalotan
hefst. Það er alltaf betra þegar
samskiptin eru góð,“ segir Kristján
Þórður Snæbjarnarson, formaður
Rafiðnaðarsambands Íslands og 1.
varaforseti Alþýðusambands Ís-
lands (ASÍ). Hann var spurður út í
ágreining Drífu Snædal, forseta
ASÍ, og Ragnars Þórs Ingólfs-
sonar, formanns VR og 2. varafor-
seta ASÍ. Drífa skrifaði grein,
Átökin í verkalýðshreyfingunni,
sem birtist á fréttavefnum Vísi í
gærmorgun. Þar gagnrýnir hún
framgöngu Ragnars Þórs gagnvart
ASÍ og er Drífa er ósátt við hana.
Kristján segir að sér sýnist þau
Drífu og Ragnar Þór greina á um
áherslur og vinnubrögð sem beitt
hefur verið. En hvernig metur
Kristján stöðuna á vinnumarkaði
og í verkalýðshreyfingunni?
„Mér sýnist atvinnustigið vera
nokkuð gott, svona heilt yfir. Það
er nóg af verkefnum, sérstaklega ef
maður horfir til greina okkar iðn-
aðarmanna. Þar er atvinnustigið
mjög gott,“ sagði Kristján. „Ég sé
ekki annað en að það sé fínasta
staða fyrir gerð kjarasamninga í
haust og næsta
vetur. Rekstur
fyrirtækja virðist
almennt vera
með miklum
ágætum. Eins og
fram hefur kom-
ið hafa stjórn-
endur fyrirtækja
verið að hækka
laun sín verulega
mikið á síðustu
mánuðum. Það er vísbending um
að staða fyrirtækjanna sé mjög
góð. Það hjálpar þegar við komum
að samningaborðinu til að semja
um launahækkanir.“
Kristján segir að stríðið í Úkra-
ínu varpi vissulega skugga og valdi
óvissu um framtíðina. Taka þurfi
höndum saman til að aðstoða flótta-
fólkið frá Úkraínu.
En er þrýstingur á Kristján að
bjóða sig fram sem forseta ASÍ?
„Það hefur verið komið að máli
við mig, en ég hef ekki tekið neina
ákvörðun um slíkt. Ég er tals-
maður þess að við vinnum saman
að lausn mála og eflum samstöð-
una. Verkefnið núna er að jafna
þann ágreining sem er til staðar í
hreyfingunni og halda áfram.“ gud-
ni@mbl.is
Forseta og 2. vara-
forseta ASÍ greinir á
- 1. varaforseti ASÍ talar fyrir sáttum
Kristján Þórður
Snæbjarnarson
Skráð hegningarlagabrot á höfuð-
borgarsvæðinu voru 524 í febrúar og
fækkaði þeim á milli mánaða, sam-
kvæmt mánaðarskýrslu lögreglu-
stjórans á höfuðborgarsvæðinu fyrir
febrúar 2022.
Þjófnaðartilkynningum og til-
kynningum um innbrot fækkaði á
milli mánaða. Það sem af er árinu
hafa borist um 20% færri tilkynn-
ingar um innbrot en að meðaltali á
sama tímabili undanfarin þrjú ár.
Alls bárust 87 tilkynningar um of-
beldisbrot og fækkaði þeim á milli
mánaða. Tilkynningum um heimilis-
ofbeldi fækkaði úr 71 tilkynningu í
janúar í 52 í febrúar.
Í febrúar bárust átta beiðnir um
leit að börnum og ungmennum og
fækkaði þeim á milli mánaða. Til-
kynningum um eignaspjöll fækkaði
en tilkynningum um nytjastuld á
vélknúnum ökutækjum fjölgaði.
Skráðum fíkniefnabrotum fækk-
aði milli mánaða og voru tvö stór-
felld fíkniefnabrot skráð í febrúar.
Tilkynningum þar sem ökumaður
var grunaður um akstur undir áhrif-
um ávana- og fíkniefna fækkaði á
milli mánaða en tilkynningum þar
sem grunur var á um ölvun við akst-
ur fjölgaði. Það sem af er ári hafa
verið skráð um 33 prósent færri um-
ferðarlagabrot á höfuðborgarsvæð-
inu en að meðaltali á sama tíma síð-
ustu þrjú ár á undan . gudni@mbl.is
Þjófnuðum og innbrotum fækkaði
- Færri hegningarlagabrot tilkynnt á höfuðborgarsvæðinu í febrúar en janúar
Morgunblaðið/APK
Lögreglan Tilkynningum um ýmis
brot fækkaði milli mánaða.