Fréttablaðið - 02.12.2022, Qupperneq 36

Sandra Guðrún
Guðmundsdóttir
sandragudrun
@frettabladid.is Margrét Jónsdóttir leirlista-
kona elskar aðventuna og allt
sem henni fylgir. Jólaborðið
hennar er aldrei eins, enda
segist hún eiga allt of mikið
af keramíki. Hún blandar
gjarnan saman ólíkum
hlutum og formum, en aðal-
atriðið er að hafa pláss fyrir
fólkið og jólaandann.
Jólaborð Margrétar ræðst af því
hvað hún er að gera hverju sinni
og þess vegna er það aldrei eins.
Þegar hún skreytti borðið fyrir
jólablaðið var hún nýbúin að taka
svarta kertadiska úr út ofninum
og dekkaði því borðið með svörtu
keramíki.
„Þetta er stell eftir mig en ég á
bæði svart og hvítt. Ég á auðvitað
allt of mikið af keramíki,“ segir
hún og hlær.
„Að þessu sinni ákvað ég að nota
svart stell með kertadiskunum.“
Kertadiskarnir fengu að mynda
keðju á jólaborðinu ásamt furu-
greinum og squarosa, sem eru
litlar grænar greinar sem hún
leggur undir furuna.
„Ég bý til hálfgerðan löber úr
greinunum og kertadiskunum.
Mér finnst kertadiskarnir stíl-
hreinir og fallegir. Það er bæði
hægt að setja mosa ofan á þá,
greinar köngla eða eitthvað slíkt
eða hafa þá í einfaldri röð og láta
þá mynda ljósakeðju,“ segir Mar-
grét.
„Ég bjó til alls konar stjaka fyrir
mjó kerti, venjuleg og breið. Ég
notaði líka mishá kerti í stjakana.
Mér finnst það gefa þessu svolítið
líf að kertin eru ekki öll eins. Mér
finnst fallegt að setja smá rautt
með svo ég notaði bara fallega rauð
epli sem ég keypti úti í búð.“
Pláss fyrir jólaandann
Margrét er ekki hrifin af ofhlöðn-
um borðum þar sem varla er rými
fyrir mat eða fyrir fólkið að sitja.
„Ég vil alltaf hafa pláss fyrir
fólkið og fyrir andann. Mér finnst
leiðinleg borð sem eru svo troðin
að þú hefur á tilfinningunni að
fólkið og maturinn komist ekki
fyrir. Það þarf að vera rými fyrir
fólk, mat og bara hugarflugið.
Ég hef það alltaf í huga þegar ég
dekka borð,“ segir hún.
Hnífapörin sem Margrét notaði
eru bandarísk og keypt í Pottery
Barn. Þau eru úr málmi en Mar-
gréti fannst þau svo falleg þar sem
skaftið á þeim lítur út eins og trjá-
grein svo hún stóðst ekki mátið að
kaupa þau.
„Mér finnst þau svo náttúru-
leg og falleg og fara vel á borðinu
með grænu greinunum. Litlu
hjörtun sem á stendur Desember,
eru skraut sem ég bjó til úr sama
leir og stellið. Ég gaf út bók í
fyrra með dóttur minni Móheiði
Guðmundsdóttur í samstarfi
við Höllu Báru Gestsdóttur og
Gunnar Sverrisson. Bókin heitir
Desember og er ljósmyndabók um
desember, aðventuna og jólin. Mig
langaði að búa til desemberhjörtu
til að láta fylgja með bókinni. Ég
bind þau utan um hverja bók,“
segir Margrét.
„En mér fannst líka tilvalið
að nota hjörtun sem skraut á
servíetturnar á jólaborðinu. Þetta
eru sem sagt ekki hefðbundnir
servíettuhringir, en ég stakk lítilli
grein ofan í hjartað til að tengja
það aðeins við grenið á miðju
borðsins.“
Fylgir hjartanu
Auk svarta leirstellsins eftir Mar-
Samhljómur sem
verður að sinfóníu
Þegar matarstellið er ekki í notkun á matarborðinu notar Margrét það sem skraut ofan á skenk.
gréti eru gylltar sósukönnur og
stjakar á borðinu. Stóra kannan er
úr stelli sem Margrét fékk að gjöf.
Stellið var orðið lúið og eitthvað
var brotið úr því svo Margrét nýtti
könnuna úr því og gyllti hana. Litla
kannan og stjakarnir eru aftur á
móti eftir Margréti.
„Stjakarnir eru gylltir, silfraðir
og svartir. Stundum legg ég einn
svona stjaka á borðið við hvern
disk, en mér fannst skemmtilegt í
þetta skipti að nota þá inni á milli,
með svörtu línunni,“ útskýrir hún.
„Mér finnst gaman að blanda
ólíkum hlutum saman, það þarf
ekkert allt að vera eins. Stundum
þegar ég legg á borð nota ég
gamlar undirskálar fyrir forrétti,
sem fara ofan á diska eftir mig.
Stundum nota ég líka bláu jóla-
plattana frá Bing og Grøndahl. Mér
finnst gaman að blanda og búa til
stemningu þannig.“
Margrét segir að hún vilji frekar
fylgja hjartanu en að hafa allt í stíl
og voða stíft.
„Ég hugsa frekar hvað gæti
passað. Ég leita að einhvers konar
samhljómi, svolítið eins og tón-
verk. Öll hljóðfærin fá að njóta
sín svo þetta verður bara ein flott
sinfónía,“ segir hún.
„Það sem skiptir mestu máli er
að stemningin sé góð og að öllum
líði vel á jólunum. Maður á að hafa
jólin eins og hentar manni sjálfum
best. Það eru engar reglur og ekkert
stress. Þó það sé ekki allt tilbúið
klukkan sex, þó það sé kannski
ekki fyrr en korter yfir sex eða þó
klukkan sé orðin hálf átta þá koma
jólin ef okkur líður vel í hjartanu
og erum tilbúin að taka á móti
þeim.“ n
Kertadiskarnir voru nýkomnir úr ofninum þegar Margrét skreytti borðið.
Desember-
hjörtu úr sama
leir og stellið.
Fréttablaðið/
auðunn
Bókin Desem-
ber fjallar um
aðventuna og
jólin.
Leirlistakonan Margrét elskar að-
ventuna og allt sem henni fylgir.
Borðið er skreytt með grænum greinum og rauðum eplum og kertadiskarnir mynda keðju.
14 fréttablaðið 2. desember 2022jól 2022