Fréttablaðið - 02.12.2022, Qupperneq 55

Uppáhaldsskraut Gretu er jólakrans sem hún keypti í BYKO fyrir aðventuna. „Ég ólst upp við að
það var kveikt upp í arninum oft í viku og allar okkar bestu stundir hafa verið fyrir framan arininn
heima. Þegar við byggðum þá vildi ég strax hanna stofuna út frá arni.
Litlu hlutirnir setja punktinn yfir i-ið hjá Gretu.
Hundurinn á heimilinu þarf líka að fá athygli. Þetta er
Lísa Lilliendahl sem er af boxer-tegund.
Glæsilegur
jólakrans sem
Greta Salóme
féll fyrir.
Móðurástin
leynir sér ekki
hjá Gretu
Salóme.
FRÉTTABLAÐIÐ/
VALLI
offari þegar kemur að jólunum og
er mjög föst fyrir þegar kemur að
hefðum og þess háttar. Ég get hins
vegar ekki beðið eftir að skapa
okkur nýjar hefðir og minningar
með syninum.
Allar mínar jólaminningar eru
yndislegar. Mamma og pabbi sköp-
uðu okkur systrunum alveg ótrú-
lega falleg jól á hverju einasta ári.
Móðir mín er mikil ævintýrakona,
hún málaði jólamynd á hverju ári í
stofugluggann á Þorláksmessunótt
sem beið eftir okkur systur minni
á aðfangadagsmorgun. Þessar
myndir voru svo ævintýralega fal-
legar en þær eru án efa mín uppá-
halds jólaminning. Svo fórum við
fjölskyldan alltaf saman í Vindás-
hlíð og völdum okkur jólatré. Það
eru þessir föstu liðir sem voru
gerðir á hverju ári sem ég er svo
þakklát fyrir.“
Greta segist að mörgu leyti vera
hálfgert eilífðarbarn. „Ég elska að
geta fagnað því í kringum jólin.
Ég skammast mín ekkert fyrir að
tárast yfir jólamyndum og eyða
tíma á Pinterest til að ákveða
hvernig ég ætla að skreyta jólatréð,
baka of margar smákökusortir sem
aldrei borðast og kveikja á jóla-
kertum snemma í nóvember til að
nýta þennan tíma.“
Loksins hægt að halda jól
„Við keyptum fokhelt einbýlishús í
Mosfellsbæ í mars 2021. Við vorum
búin að vera að leita í svolítinn
tíma og þegar við komum inn í
þetta hús þá vissi ég strax að þarna
vildi ég búa. Húsið var alveg hrátt,
ekkert nema timbur og steypa.
Við fengum því að hanna það frá
grunni sem er með því skemmti-
legasta sem ég hef gert. Það var
mjög krefjandi en bæði skapandi
og skemmtilegt ferli.
Við fluttum inn í byrjun
aðventunnar í fyrra en síðan fór
ég til Bandaríkjanna að túra allan
desember og fram að Þorláks-
messu. Ég náði þess vegna ekki
að njóta þess að vera heima á
aðventunni og vera í húsinu. Ég var
svo flogin aftur út að túra á nýárs-
dag. Mér finnst því að mörgu leyti
ég vera að halda jólin hérna í fyrsta
skipti og það er algjör draumur.“
Fallegasta jólaminningin
Greta sér fyrir sér að nú nái hún
að njóta aðventunnar og halda í
hefðirnar úr bernskunni. „Ég held
það verði ekki mikil breyting á
jólahefðunum heldur kannski
bara upplifunin sem fylgir nýjum
fjölskyldumeðlimi. Við erum ávallt
öll heima hjá foreldrum mínum
á aðfangadag og þar sem öll fjöl-
skyldan á heima í Mosó erum
við mestmegnis að flakka á milli
heimila á jólum, eins og við gerum
reyndar alla daga.“
Þegar Greta rifjar upp jóla-
minningar segir hún að það sé
ein sem standi upp úr. „Fallegasta
jólaminningin mín er þegar það
var bankað upp á hjá mömmu og
pabba fyrir nokkrum árum eftir
matinn á aðfangadag og þar voru
fyrrverandi skjólstæðingar hennar
sem höfðu ekki annan stað til
að vera á. Þeir komu og fengu að
taka þátt í jólunum með okkur.
Mamma og pabbi hafa ávallt haft
heimilið sitt opið fyrir öllum,
hvenær sem er og var æskuheim-
ilið griðastaður fyrir marga. Það er
eitthvað sem ég vil taka með mér á
mitt heimili.“
Tónlistin skipar líka stóran sess í
lífi Gretu á jólunum. „Fyrir mér eru
jólin 70% tónlist, 30% aðrar hefðir.
Tónlistin er alltaf þungamiðjan
einhvern veginn.“
Jólasiðir hennar eru þó nokkrir
en einn stendur upp úr sem Greta
gæti ekki hugsað sér að sleppa.
„Það er hádegisverðurinn á
aðfangadag hjá foreldrum mínum
þar sem við smökkum fullt af
jólaréttum og hittum fjölskylduna
áður en pakkarnir eru keyrðir út.
Það er alltaf svo mikil stemning.
Svo þar sem við erum í nýju húsi
fór ég og keypti hlýjar seríur og
skraut á jólatréð í BYKO og ég setti
í alla glugga í stofunni og á tréð. Ég
elska þennan gyllta, hlýja blæ sem
heimilið fær á sig á kvöldin. Það er
eitthvað svo kósí og hátíðlegt við
það.“
Jólatréð fór líka snemma upp
eða um leið og Greta byrjaði að
skreyta heimilið. „Mér finnst jóla-
tréð langfallegasta jólaskrautið
og sé enga ástæðu til að spara það
eða fresta því að setja það upp.
Það fer því upp yfirleitt um miðjan
nóvember og ég elska það. Þar sem
það er gervi stendur það vel. Ég á
mjög dramatíska minningu af því
þegar jólatréð heima hjá mömmu
og pabba bókstaflega lifnaði við og
varð morandi í litlum pöddum rétt
fyrir jól og ég ákvað þá að gervitré
væri málið fyrir mig.“
Nýja árið verður uppfullt af
nýjum ævintýrum hjá Gretu og
þegar er búið að bóka hana langt
fram í tímann. „Næsta ár er eigin-
lega pakkað af verkefnum. Ég er
að leikstýra og syngja í nokkrum
stórum tónleikasýningum hérna
heima á næsta ári, meðal annars
Hárinu sem verður sett upp í
Laugardalshöll. Svo er endalaust af
tónleikum og tónleikaferðalögum
úti. Svo var ég að skrifa undir þrjá
nýja Disney-samninga fyrir 2023
sem voru æðislegar fréttir svona
rétt fyrir fæðingu. Áramótaheitið
sem ég strengi héðan í frá held ég
að sé að standa mig eins vel og ég
get í öllu sem ég geri svo ég geti
búið stráknum mínum besta líf
sem hægt er.“ n
Þessi tilfinning, að
fá son okkar í
fangið, er ólýsanleg. Ef ég
á að draga það saman þá
er það eins og lífinu sé
snúið á hvolf á einni
sekúndu og lífið fái nýjan
tilgang.
2. desember 2022 JÓL 2022 FRÉTTABLAÐIÐ 33