Fréttablaðið - 02.12.2022, Page 104

Þegar María Hjálmtýsdóttir
keypti styttu af breiðnefi
með jólasveinahúfu fyrir
nokkrum árum datt henni
ekki í hug að hann ætti eftir
að eignast marga ólíka félaga
úr dýraríkinu með jólahúfu.
Í dag er safnið órjúfanlegur
hluti af jólaskreytingum fjöl-
skyldunnar.
starri@frettabladid.is
Litlar styttur af dýrum með
jólahúfur er fastur liður í jóla­
skreytingum fjölskyldu í Smá­
íbúðahverfinu í Reykjavík. Raunar
var aldrei planið að skreyta húsið
með slíkum styttum en sú fyrsta,
breiðnefur með jólahúfu og rauðan
trefil, var svo hrikalega ójólaleg
að sögn Maríu Hjálmtýsdóttur,
að hún fór í hring og varð jóló. „Ég
fann breiðnefinn í Góða hirðinum
á sínum tíma og sá þá ekki þessa
þróun beint fyrir. Breiðnefurinn
með jólahúfuna eignaðist smám
saman alla þessa vini því ójólaleg
dýr með jólasveinahúfur eru bara
eitthvað svo skemmtileg pæling.“
Yngsti prinsinn á heimilinu,
Tjörvi, tekur undir orð móður
sinnar. „Ég elskaði dýr þegar ég
var lítill og hef alltaf haft gaman af
dýrum. Því hef ég haft mjög gaman
af þessum jóladýrum og um leið
að stækka safnið,“ en þau mæðg­
inin hafa fundið dýrin á hinum
og þessum nytjamörkuðum, til
dæmis hjá ABC við Nýbýlaveg og
raunar víðar.
Þau segja jóladýrin eiga sína
eigin gluggakistu þar sem þau
eiga heima yfir jól og aðventu.
„Breiðnefurinn hefur alla tíð verið
í mestu uppáhaldi hjá mér en svo
hef ég alltaf jafngaman af þeim
sem eru á svipinn eins og þau séu
hálffúl yfir að hafa fengið á sig jóla­
sveinahúfu,“ segir María. Tjörvi er
fljótur að afgreiða spurninguna
um hvert sé uppáhaldsjóladýrið:
„öll“.
Fjölskyldan byrjar að skreyta í
rólegheitunum í upphafi des­
ember. „Þetta byrjar allt saman í
rólegheitunum á aðventunni en
jóladýraglugginn er alltaf í miklu
uppáhaldi og er einna fyrstur
upp.“ n
Var svo ójólaleg að
hún varð jólaleg
Góðahirðis-
gæsin hefur
aldrei verið
kát með jóla-
húfuna sína.
Ekkert segir jól
eins og undr-
andi gíraffi.
Jólaboxerinn
er í miklu uppá-
haldi hjá Tjörva.
Jólahundar af ýmsu
tagi finnast víða en
fæstir eru glaðlegir.
Jólabreiðnefur-
inn sem kom
öllu af stað.
Tjörvi og María safna dýrum með jólasveinahúfum. FRÉTTABLAÐIÐ/EYÞÓR
elin@frettabladid.is
Það er gaman að breyta til þegar
kemur að kartöflum, til dæmis ef
bera á fram villibráð, nauta­ eða
lambakjöt. Fondant kartöflur
koma frá franska eldhúsinu og eru
steiktar á pönnu á báðum hliðum
þannig að þær fái fallega skorpu.
Síðan er kjötkraftur settur út í og
kartöflurnar soðnar. Hvítlaukur,
timían og kjötkraftur gefa kartöfl­
unum mjög gott bragð.
Fondant kartöflur
fyrir 4-5
10-12 meðalstórar kartöflur, reyna
að hafa þær af svipaðri stærð
50 g smjör og smávegis olía
1 stórt hvítlauksrif, skorið í þykkar
sneiðar
5 kvistar af fersku timían
1 dl kjöt- eða grænmetiskraftur
Skrælið kartöflur og skerið smá­
vegis af hliðunum svo þær sitji
betur á pönnunni. Setjið helming­
inn af smjörinu og smávegis olíu á
góða steikarpönnu. Þegar smjörið
er orðið heitt er kartöflunum
skellt út á pönnuna og steiktar í
5 mínútur eða þar til þessi hlið
hefur fengið á sig brúnan lit.
Snúið kartöflunum þá við og
bætið restinni af smjörinu og
smá olíu í viðbót á pönnuna.
Olían kemur í veg fyrir að smjörið
brenni. Látið hvítlauk og timían
út í. Steikið áfram í 5 mínútur.
Bætið þá kraftinum saman við.
Gerið það varlega því hætta er á
að smjörið spýtist í allar áttir.
Setjið lok á pönnuna eða setjið
í 200°C heitan ofn án loks. Eldið í
20 mínútur.
Takið kartöflurnar upp og setjið
á fat. Stráið timían og hafsalti yfir. n
Frábærar kartöflur úr
franska eldhúsinu
Frábærar kartöflur með villibráð,
lambi eða nautakjöti.
FRÉTTABLAÐIÐ/GETTY
Fríform ehf.
Askalind 3,
201 Kópavogur.
562–1500
Friform.is.
Virka daga 10-17
Laugardaga 11-15
Hjarta heimilisins
Við hönnum innréttingar að þínum þörfum
2000 — 2022
82 FRÉTTABLAÐIÐ 2. desember 2022JÓL 2022