Fréttablaðið - 02.12.2022, Qupperneq 132
Það má
alveg segja
að þetta sé
sannarlega
uppgjör.
Gjafakort
í Bæjarbíó
er góð gjöf
Öllum gjafabréfum 15.000 kr
og hærri fylgja 2 frídrykkir
Gerum tilboð í stærri fyrirtækja
pantanir á gjafakort@bbio.is
Allar nánari upplýsingar
í síma 665-0901
Í HJARTA HAFNARFJARÐAR
Draumey Aradóttir sendi frá
sér sína sjöttu bók í haust,
ljóðabókina Varurð. Bókin er
ljóðrænt ferðalag um odd-
hvassar lendur óttans og
byggir á lífi höfundar.
Draumey Aradóttir er kennari, skáld
og förukona. Nýjasta bók hennar ber
titilinn Varurð, og fjallar um óttann,
upptök óttans og uppgjör höfundar
við þessa tilfinningu.
„Þetta er ljóðför í gegnum óttann.
Ég hef skrifað tvær ljóðabækur áður
sem hafa líka verið ferðalög og þessi
bók er þá ferðalag í gegnum óttann í
þremur hlutum. Fyrsti hlutinn fjallar
um rætur óttans, þar sem óttinn
verður til. Í Varurð er það í bernsk-
unni því þetta er persónuleg bók. Ég
er í raun og veru að fjalla um mitt líf,“
segir Draumey.
Varurð hefur vakið töluverða
athygli og setið á metsölulista
Eymundsson yfir ljóðabækur nánast
samfleytt frá því hún kom út í sept-
ember.
„Miðhlutinn fjallar um átökin
við óttann, það að þora að mæta
óttanum og skoða hann. Sjá hann
eins og hann er og reyna þannig
að sigrast á honum. Það eru átökin
í þessum miðhluta því það tel ég
vera einu leiðina til þess að komast
Draumey fyrir
framan höfnina
í Hafnarfirði, þar
sem hún gerði
uppgötvun sem
leiddi til þess
að hún skrifaði
Varurð.
Fréttablaðið/
Sigtryggur ari
Að lifa er að deyja
1
Allir eiga sína frásögn að hlýða á
sínar sögur að segja
sinn ótta að sættast við
allir þurfa að mæta sjálfum sér
í spurn
þú mætir þér
en af ótta við svarið líður á löngu
þar til þú áræðir að spyrja
Þorvaldur S.
Helgason
tsh
@frettabladid.is
í gegnum hluti hverjir sem þeir eru.
Þriðji og síðasti hlutinn er þá þar
sem innri friður og sátt ríkir. Þá get
ég farið að skoða bara lífið, hver ég er
og hef verið, út frá þessari sátt,“ segir
Draumey.
Beið eftir rétta tímanum
Er bókin þá ákveðið uppgjör?
„Já, það má alveg segja að þetta
sé sannarlega uppgjör. En samt sem
áður, þegar ég skrifa bókina núna
þá er ég ekki að gera hlutina upp, ég
er löngu búin að því sjálf, fyrir ára-
tugum síðan. Ég skrifa hana í algjörri
kyrrð en ég dreg upp mynd af því
sem var og þessu ferðalagi og þessum
átökum sem voru á sínum tíma.“
Spurð um hvað hafi kveikt löng-
unina til að skoða þetta tímabil í
sínu lífi aftur, segist Draumey innst
inni alltaf hafa vitað að hún myndi
skrifa bók um ferðalagið í gegnum
óttann.
„Ég beið eftir rétta tímanum og
svo bara kom hann skyndilega. Það
var þegar ég flutti til baka til Hafn-
arfjarðar fyrir þremur árum síðan,
en ég er fædd þar. Ég horfði yfir
höfnina og horfði á ólgandi sjóinn
og þá fann ég bara ólguna innra með
mér, ekki neikvæða, ég fann bara að
þetta snerti við mér og fann að nú
er tíminn. Af því þá var ég komin
í umhverfið og var alltaf minnt á
þetta, bara með götunum og hús-
unum, minnt á upphaf óttans. Þá
fann ég löngunina að gera þetta.“
Allir beri með sér ótta
Draumey segist trúa því að allar
manneskjur beri ótta með sér ein-
hvern tíma á lífsleiðinni.
„Ég trúi því að manneskjur beri
einhvern ótta á einhverju tímabili
ævi sinnar og svo er það náttúrlega
misjafnt af hverju óttinn stafar og
hvers konar ótti það er. Í mínu til-
felli þá var þetta ótti sem varð til
út af andlegu of beldi. Ég fer með
þennan ótta með mér frá Hafnar-
firði þegar ég f lyt þaðan um tví-
tugt og veit allan tímann að ég þarf
að vinna í honum og það gerði ég,“
segir hún.
Draumey segist vonast til þess að
bók hennar geti hjálpað öðrum sem
eiga eftir að takast á við sinn eigin
ótta.
„Ég held að það sé svo gott að
skrifa bækur um svona ferðalög,
hvort sem það er í gegnum ótta eða
eitthvað annað, vegna þess að það
veitir öðrum von sem eiga kannski
sitt ferðalag eftir, sem þeir vita innst
inni að þeir þurfa að mæta.“
Enn ein ferðin
Bækur Draumeyjar eru gjarnan
með eitthvert þema, hún hefur til að
mynda áður skrifað ljóðabækur um
ástina, lífið og dauðann og núna ótt-
ann. Hún segist þegar vera byrjuð að
leggja drög að næstu bók.
„Ég byrjaði bara strax og ég var
búin að setja lokapunkt á Varurð.
Það er enn ein ferðin, ég er svona
förukona, fer alltaf í ferðalög.
Vinnuheitið á því sem ég er að gera
núna er Hringsól, því að þetta eru
margar ferðir, hring eftir hring, ótal
hringfarir og svo á ég eftir að sjá
hvað verður. Þetta verður ekki beint
ljóðabók en mjög ljóðræn og ég ætla
bara að leyfa því að verða sem vill,“
segir hún. n
Uppgjör við óttann
22 Menning 2. desember 2022 FÖSTUDAGURFréttablaðiðmenninG Fréttablaðið 2. desember 2022 FÖSTUDAGUR