Fréttablaðið - 02.12.2022, Síða 136

Ég man viðbrögðin hjá
pabba þegar ég las
handritið í fyrsta sinn
fyrir hann. Þetta var
eitthvað sem ég hafði
aldrei upplifað áður.
Mér leið eins og ég
hefði sjálf upplifað
þetta út frá sjónarhorni
pabba.
Stefanía Mjöll Gylfadóttir
frumsýnir í dag leikverk sem
byggir á voveiflegum atburð-
um, þegar amma hennar var
myrt í Öxnadal. Leikritið er
skrifað frá sjónarhóli föður
hennar, Gylfa Þórs Þorsteins-
sonar.
odduraevar@frettabladid.is
Stefanía Mjöll Gylfadóttir, leik-
listarnemi við Borgarholtsskóla,
frumsýnir í dag leikverk sem byggir
á því þegar amma hennar var myrt
af bróður sínum í Öxnadal árið
1996 en verkið heitir einmitt eftir
árinu. Faðir Stefaníu, Gylfi Þór Þor-
steinsson, hefur verið opinskár um
atburðina alla tíð og er hann aðal-
persónan í leikritinu sem byggir á
hans sjónarhorni.
„Við höfum alltaf verið opin með
þetta heima og við höfum alltaf
getað rætt þetta,“ segir Stefanía um
það hvernig aðdragandann að leik-
ritinu bar að. „En ég bað pabba auð-
vitað um leyfi, hvort það væri í lagi
að við gerðum þetta og það fannst
honum,“ segir Stefanía.
Hún segir hópinn því næst hafa
skoðað viðtöl við Gylfa og frá-
sagnir hans af þessum atburðum.
Gylfi sagði meðal annars frá þessu
Leikur pabba í leikriti um morðið á ömmu
Stefanía segir
verkefnið eðli-
lega hafa tekið
á enda um mjög
persónulegt
viðfangsefni að
ræða.
FRÉTTABLAÐIÐ/
VALLI
Stefanía hefur
aldrei upplifað
annað eins og
þegar hún
las handritið
að leikritinu í
fyrsta sinn fyrir
pabba sinn.
í Mannamáli hjá Sigmundi Erni
Rúnarssyni.
„Þetta er nú bróðir minn, ég
þekki hann og þetta verður allt í
lagi,“ voru að sögn Gylfa síðustu orð
móður hans sem reyndust al röng.
„Þegar hún kemur upp að bænum
þá ræðst hann til at lögu og hann í
raun lemur hana til bana, bæði í
bílnum og dregur hana svo inn í
húsið og lýkur verkinu þar,“ sagði
Gylfi í Mannamáli.
Stefanía hyggst fara með hlut-
verk föður síns í leikritinu. „Þannig
að aðalpersónan verður kvenkyns
en sagan byggir alfarið á sjónar-
horni pabba, hvernig hann upplifði
þetta og við könnum það líka þegar
hann var ættleiddur.“
Hún segir ferlið hafa gengið mjög
vel, hópurinn hafi einungis verið
tæpar tvær vikur að þróa leikritið
sem planið er að setja upp í lengri
útgáfu á næsta ári sem hluta af loka-
verkefni.
„En í fyrstu fannst mér þetta erf-
itt. Það var skrítið að leyfa öðrum
að heyra þessa sögu en síðan vand-
ist ég því. Svo byrjuðum við að æfa
þetta og þá fór maður að fá gæsa-
húð og mér leið eins og ég hefði sjálf
upplifað þetta út frá sjónarhorni
pabba.“
Stefanía segir ferlið hafa gert þau
feðgin nánari. „Ég man viðbrögðin
hjá pabba þegar ég las handritið í
fyrsta sinn fyrir hann. Þetta var
eitthvað sem ég hafði aldrei upp-
lifað áður.“ n
ninarichter@frettabladid.is
Ngozi Fulani, aktívisti og baráttu-
kona gegn heimilisof beldi, segir
farir sínar ekki sléttar eftir samskipti
við lafði Susan Hussey við konung-
legu hirðina við Buckinghamhöll á
þriðjudagskvöld. Hún segir lafðina
hafa sýnt kynþáttafordóma á góð-
gerðarsamkomu í höllinni.
Hin sextíu og eins árs gamla
Fulani, sem er dökk á hörund, steig
fram á Twitter á miðvikudag og sagði
frá samskiptum við persónu sem
hún kallaði „Lafði SH“. Í tístinu lýsti
Fulani því hvernig lafðin þráspurði
hana út í uppruna, hvaðan hún væri
og hvaðan hennar fólk væri, þó að
Fulani hefði ítrekað svarað henni að
hún væri breskur ríkisborgari, ættuð
frá Bretlandi.
Fulani ræddi málið í spjallþætt-
inum Good Morning Britain í gær-
morgun þar sem hún fullyrti að tals-
menn hallarinnar hefðu ekki haft
samband við hana vegna málsins.
Tísti Fulani hefur verið deilt tæp-
lega tuttugu þúsund sinnum og líkað
við 64 þúsund sinnum þegar þessi
orð eru rituð. Viðbrögð netverja eru
á þá leið að hér sé ekki um einangrað
atvik að ræða, heldur styrki þetta
frásögn Harrys prins hertogans af
Sussex og eiginkonu hans hertoga-
ynjunnar Meghan Markle, sem hafa
tjáð sig opinberlega um rasisma
innan konungshallarinnar.
Nokkrum klukkustundum eftir
að Fulani tísti um reynslu sína kom
opinber yfirlýsing frá höllinni þar
sem ummælin voru fordæmd og
þeim lýst sem óviðunandi. Þá var
staðfest að lafði Susan Hussey hefði
sagt upp störfum við höllina. Jafn-
framt kom fram að forsvarsmenn
Buckinghamhallar hefðu boðið
Fulani aftur til hallarinnar að ræða
reynsluna í þaula, eitthvað sem
Fulani hefur nú fullyrt að sé alrangt.
Haft er eftir Fulani í þættinum Good
Morning Britain að yfirlýsing hallar-
innar hafi komið henni gríðarlega á
óvart.
Lafði Susan Hussey, einnig þekkt
sem Hussey barónessa, gekk fyrst til
liðs við konungshirðina árið 1960.
Hún var ein af hirðmeyjum Elísa-
betar drottningar og fylgdi henni
meðal annars við útför eiginmanns-
ins, Filippusar prins.
Lafðin er guðmóðir Vilhjálms
krónprins og hefur talsmaður
prinsins einnig fordæmt ummælin.
Vilhjálmur er staddur í þriggja daga
langri heimsókn til Boston um þessar
mundir. n
Annar skandall skekur Buckinghamhöll
Ngozi Fulani í Good Morning Britain. MYND/SKJÁSKOT
26 Lífið 2. desember 2022 FÖSTUDAGURFRÉTTABLAÐIÐLÍFIÐ FRÉTTABLAÐIÐ 2. desember 2022 FÖSTUDAGUR