Vaka : tímarit um þjóðfélags- og menningarmál - 01.09.1939, Qupperneq 12

V A K A 2. árg. . Júlí-sept. 1939
Jakob Thorarensen:
Ccuimar Ciiiiiiiiai'ssoii
lieimkomiim
Svo sem kunnugt er, fluttist Gunnar Gunnars-
son heim til íslands á s.l. vori eftir þriggja ára-
tuga dvöl með framandi þjóð. Er hann nú setztur
að búi að Skriðuklaustri í Fljótsdal. — Gunnar er
fimmtugur að aldri, fæddur að Valþjófsstað 18.
maí 1889. Þegar hann var 17 ára, gaf hann út
ljóðabók. Árið 1907 fór hann til Danmerkur og
stundaði nám næstu tvo vetur. Á sumrin hafði
hann ofan af fyrir sér með ýmsum störfum. Árið
1911 gaf hann út ljóðabók á dönsku og árið eftir
kom út fyrsta bindi af sögu Borgarættarinnar. Með
því ritverki lagði hann grundvöll skáldfrægðar
sinnar. Síðan hefir hver bókin rekið aðra frá hendi
þessa mikilvirka og velmetna rithöfundar, og yrði
of langt mál að telja þær upp hér. Gunnar Gunn-
arsson skipar nú öndvegi sem rithöfundur — ekki
aðeins á íslenskan mælikvarða — heldur einnig á
evrópiskan. Hann hefir óskerta starfskrafta og ís-
lenzkir lesendur vænta þess, að hann eigi enn eftir að auðga þjóð sína af miklum
skáldverkum.
Um leið og Vaka býður Gunnar Gunnarsson velkominn heim með hinu snjalla
kvæði Jakobs Thorarensen, birtir ritið mynd af honum í ræðustóli í Hallormsstaðar-
skógi, tekna 9. júlí síðastliðinn.
Nú má líta að norðurvörum
nökkva traustum stýrt af hafi,
öllu meiri öðrum knörum,
— öruggur, þó vastir skafi.
Gnóg mun þarna góðra málma,
gripir dýrir, men og slæður,
skín þar og á skildi og hjálma,
skörungur er fyrir ræður.
Sá er þar við stjórnvöl stendur
strauminn hefir lengi klofið,
barizt röskt á báðar hendur
björtum vigri og gerðir rofið
170