Vaka : tímarit um þjóðfélags- og menningarmál - 01.09.1939, Blaðsíða 64

V A K A 2. árg. . Júlí-sept. 1939
l&eykjaskóli í Hrútafirði
er næst yngsti héraðsskóli landsins.
Upphaf hans er það, að ungmenna-
félögin við Hrútafjörð gengust fyrir
því, að reist var steinsteypt sundlaug
á Reykjatanga við Hrútafjörð og leitt
þangað heitt vatn úr uppsprettum í
dæld skammt ofan við tangann. Laug
þssi var vígð og tekin til afnota vorið
1929. Eftir það fór að vakna áhugi
fyrir að reisa við laugina héraðsskóla,
og varð úr, að vinna við skólabygging-
una hófst vorið eftir. Til starfa tók skól-
inn 7. jan. 1930. Var þá húsakostur
naumast meira en hálfgerður og margir
aðrir örðugleikar á skólastarfi. Síðan
hefir húsrými skólans verið smáaukið
og' bætt úr ýmsum þörfum hans, svo
að nú er vel við unandi.
Skólastjórar að Reykjum hafa verið
sr. Jón Guðnason, Þorgeir Jónsson guð-
fræðingur, Jón Sigurðsson frá Yzta-
felli og Guðmundur Gíslason, áður
kennari í Reykjavík og að Laugar-
vatni, sem gegnt hefir skólastjórastörf-
um síðan haustið 1937.
Um næstu verkefni skólans farast nú-
verandi skólastjóra orð m a. á þessa
leið:
222
„í vinnukennslunni hér þarf að stefna
að þessu tvennu:
í fyrsta lagi: Að koma upp sérstakri
vinnudeild við skólann, þar sem piltum
væri kennd trésmíði, járnsmíði, leður-
vinna (aktýgjagerð o. fl.), skósmíði og
garðrækt. Stúlkum væri kennt allskonar
saum, fatasaum, útsaum o. s. frv., vél-
prjón og vefnaður, matreiðsla og garð-
rækt. Jafnhliða þessu tækju þátttakend-
ur vinnudeildarinnar þátt í ýmsum bók-
fræðum, t. d. íslenzku, reikningi, skrift,
teikningu og fyrirlestrum. Einn liðurinn
í starfi piltanna í vinnudeildinni ætti að
vera sérstakt námskeið í húsagerð undir
eftirliti og kennslu húsameistara og
smiðs. Þar ættu nemendur að læra að
byggja einföld hús eftir teikningu, húða
þau, innrétta, mála, dúkleggja, vegg-
fóðra o. s. frv. Þetta væri nemendum
mikill fengur, þótt þeir yrðu ekki „fag-
menn“. Ungir menn þurfa alltaf á því
að halda að geta unnið þessi verk fyrir
sjálfa sig. Að vera búhagur þótti í gamla
daga nauðsynlegt. Það á fullan rétt á
sér, að ungum mönnum sé hjálpað til
þess í skólunum. Til þess að geta á sama