Vaka : tímarit um þjóðfélags- og menningarmál - 01.09.1939, Page 13

2. árg. . Júlí-sept. 1939 V A K A
þeirra, er hugðu elda alla
útvarðanna í norðri brunna,
— látið soknar gögnin gjalla,
gert oss enn af sögnum kunna.
Ei vér hyggjum garpinn góða
girnast neina hvíld né mýking,
en skylt er heilan heim að bjóða
hermann þann úr orðsins víking,
fœra þakkir föstum orðum,
fagurlega salinn tjalda,
hafa mjöðinn bjarta á borðum,
bikarana stóra og valda.
Sónarvínin saka ei heldur; —
síðan skyldi hann frétta intur:
hversu þessi íslands eldur
áratugi þrjá varð kyntur?
Geta flutt hann vildi án vafa
vegsemd Fróns til allra lýða,
glöggt er enda að gengið hafa
gneistaflugin œrið víða. — —
Sit nú heill við heiðin bláu
hugða þinna og glaðra drauma.
Falslaust veit ég fjöllin háu
fagna þér með söngvum strauma.
Huldur lands um grund og grœði
gerast munu og vinir þínir,
hefja að spinna huliðsþræði
hugar þíns í nýjar sýnir.
171