Vaka : tímarit um þjóðfélags- og menningarmál - 01.09.1939, Qupperneq 77

2. árg. . Júlí-sept. 1939 V A K A
Reykjarfjörður. Fremra jjallið er Geirólfsnúpur, hitt Geirhólmur.
Byggingar sundlaugar í Reykjarfirði í
Norður-ísafjarðarsýslu.
Jóhannes heitir maður, sonur Jakobs
bónda í Reykjarfirði. Þegar hann var
ungur, gætti hann fjár á sumrum með
öðrum unglingum. Hann baðaði sig í
afrennsli volgrar laugar í firðinum og
varð á þann hátt hneigður að sundi
og böðum. — Þegar hann var 11 til
12 ára gamall, var honum, ásamt öðr-
um unglingum í Reykjarfirði, kennd
sundtökin. Við það opnaðist Jóhannesi
nýr heimur á þessu sviði og hann lagði
sig nú allan fram um að auka sund-
kunnáttu sína.
Næsta skref sundiðkendanna í Reykj-
arfirði var að bæta sundskilyrðin. Þeir
hlóðu stíflugarð fyrir afrennsli laugar-
innar og myndaðist við það allmikil
uppistaða. Á hverju vori hreif jökuláin,
sem fellur eftir firðinum, stíflugarðinn á
brott. En unglingarnir í Reykjarfirði létu
það ekki á sig fá. Á hverju vori reistu
þeir hann að nýju og sóttu sumarlangt
yndi og þrótt í sundpollinn sinn. Fór
þessu fram um allmörg ár.
Á sýslufundi Norður-ísafjarðarsýslu á
áliðnum vetri 1935 beitti sr. Jónmund-
ur Halldórsson á Stað sér fyrir því, að
fundurinn heimilaði hundrað króna fjár-
veitingu til endurbóta á sundlaug í
Reykjarfirði og byrjun sundkennslu þar.
Sr. Jónmundur hafði augastað á Jó-
hannesi Jakobssyni til þess að annast
frekari framkvæmdir í þessu máli. Varð
það síðan úr, að vorið eftir sá Jóhannes
um endurbætur á lauginni og kenndi þar
síðan sjö unglingum sund í tíu daga.
Veikindi á heimilinu ollu því, að sund-
kennslan stóð svo stutt.
Tvo næstu vetur var Jóhannes við nám
í Reykjaskóla, þrjá mánuði hvorn vetur.
Þar stundaði hann sundnám og efldist
að áhuga fyrir þörfum málefnum, undir
handleiðslu hins ötula skólastjóra þar og
samkennara hans.
Vorin 1936 og 1937 kenndi Jóhannes
sund við svipuð skilyrði og áður. En nú
voru nemendur stórum mun fleiri, yfir
tuttugu talsins.
Sumarið 1937 útvegaði þingmaður
kjördæmisins, Vilmundur Jónsson land-
læknir, 600 króna styrk til byggingar
steinsteyptrar sundlaugar í Reykjarfirði
235