Rökkur : nýr flokkur - 01.06.1978, Síða 40

38
inn sem bylgjandi hafið. Þarna voru fósturforeldrarnir hans gömlu
frá Húsbæjar-sandhólum, Brönne gamli kaupmaður og kona hans
hlið við hlið og fast upp við Jörgen sat þeirra blíðmilda, elskulega
dóttir; hún rétti Jörgen höndina og þau gengu upp að altarinu, þar
sem þau höfðu kropið saman fyrrum og presturinn lagði saman
hendur þeirra og vígði þau til æfinlegs samlífs í ást og einingu. 1
því gullu yfir þeim básúnur með undursamlegum hljómi, eins og
barnsrödd full af lögum og unaði, og hljóðið fór vaxandi og varð
að dunandi orgelhljómi, að mögnuðum stormi fullra og lyftandi
tóna, sem fagrir voru að heyra, en fullöflugir um leið til að sprengja
hellubjarg grafarinnar.
Og skipið, sem hékk inni í kórnum, seig niður fyrir fætur þeirra
beggja, það varð svo stórt, svo skrautlegt, með silkisegl og gylta
rá, akkerið af rauðagulli og allur reiðinn silkispunninn eins og
segir í gamla kvæðinu. Og brúðhjónin stigu út á skipið og allur
kirkjusöfnuðurinn fylgdist með þeim og var nóg rúm og dýrðar-
fögnuður öllum til handa. Og allir veggir og bogar kirkjunnar
blómstruðu eins og yllirinn og angandi linditrén, greinarnar og
laufin blöktu blíðlega, beygðust til og lukust í sundur og skipið
hófst í loft upp og sigldi með þau yfir sjóinn og gegnum loftið, hvert
messuljós var dálítil stjarna og vindurinn tók undir með í sálma-
söngnum; allir sungu með.
„1 kærleikanum — til dýrðarinnar". — „Ekkert líf skal glatast". —
„Sæla og fögnuður. Hallelúja!"
Og þessi orð voru hans in síðustu í þessum heimi. Bandið slitnaði,
sem hélt hinni ódauðlegu sál, aðeins líkið andvana lá eftir í kol-
dimmri kirkjunni, sem vindurinn hvein yfir og sandkæfði á alla
vegu.
Það var sunnudagur daginn eftir og kom presturinn til messu-
gjörðar. Leiðin hafði verið torsótt og nálega ófær af sandburðin-
um og þegar til kirkjunnar var komið var orpinn um hana stór-
eflis haugur af foksandi, sem tók hátt upp yfir dymar. Las þá
presturinn stutta bæn og sagði, að guð hefði lokað dyrum að þessu
sínu húsi, nú yrðu þeir að fara og reisa honum nýtt hús annars-
staðar.