Bændablaðið - 17.11.2022, Qupperneq 41
41Bændablaðið | Fimmtudagur 17. nóvember 2022
Á dögunum var gefin út rafbókin
Landbúnaður liðinna tíma –
búnaðarþættir úr Þingeyrarhreppi
eftir Bjarna Guðmundsson á
Hvanneyri.
Bókin geymir nokkra þætti þar
sem gerð er grein fyrir búskap í
hreppnum á ýmsum tímum allt frá
dögum Gísla Súrssonar í Haukadal til
tuttugustu aldar búskapar með sögu
Búnaðarfélags Þingeyrarhrepps.
Kafli er í bókinni um merkan
búskap þorpsbúa á Þingeyri en
kirkjustaðurinn Sandar og land
hans varð búskaparland þeirra á
fjórða áratug síðustu aldar. Þá er
sagt frá gróðurrækt og búfjárrækt í
sveitinni og ráðið í eldri búhætti með
hliðsjón af örnefnum og minjum.
Margar þeirra hefur höfundur kannað
en hann er fæddur og uppalinn í
sveitinni, á Kirkjubóli. Bókin er 152
bls. og hana prýða margar ljósmyndir
og teikningar. Bókina má finna á
vefslóðinni www.issuu.com/bjgudm
og þar má lesa hana án endurgjalds.
Rafbók um landbúnað
Fjórar félagskonur í Kvenfélagi
Þistilfjarðar voru á haustfundi
félagsins gerðar að heiðursfélögum.
Þær hafa starfað í samtals 200 ár
fyrir félagið, í þágu samfélagsins, og
tekið þátt í ótal góðgerðarverkefnum,
fyrir utan alla þá skemmtun og gleði
sem í félaginu er.
Þetta eru þær Bjarney S.
Hermundardóttir, sem gekk í félagið
árið 1970, Margrét Jónsdóttir gekk
í félagið árið 1970, Bjarnveig
Skaftfeld árið 1973 og Hólmfríður
Jóhannesdóttir árið 1975. Allar hafa
lagt fram ófá handtök og eru hvergi
nærri hættar. /MÞÞ
Heiðraðar á haustfundi
Mynd/Boðinn Þórhöfn Langanes
Karólína Elísabetardóttir, bóndi
í Hvammshlíð, hefur gefið út sitt
fimmta Hvammshlíðardagatal.
Sem fyrr inniheldur dagatalið
fróðleik sem snýst í kringum
búskapinn í Hvammshlíð og
sveitalífið fyrr og nú.
Karólína er sjálf höfundur og
útgefandi dagatalsins, en það var
upphaflega gefið út árið 2018 til
fjáröflunar vegna dráttarvélarkaupa.
„Þetta gekk upp og Zetorinn 7245,
árgerð 1990, hefur verið ómissandi
á heiðarbýlinu síðan – búinn
snjókeðjum á öllum hjólum,“ segir
Karólína.
Almanakið hentar, að hennar sögn,
bæði börnum og fullorðnum – bæði
í sveit og í þéttbýli. Fræðsluefnið
í nýjustu útgáfunni tengist meðal
annars riðurannsókninni miklu, en
hún hefur verið í fararbroddi ásamt
fræðimönnum í leit að lausnum við
að rækta upp riðuþolinn sauðfjárstofn
á Íslandi.
Smalahundar og litaheiti
Í dagatalinu er einnig að finna
gamlar myndir af hundum og
sérstaklega smalahundum, einnig
eru þar litaheiti á hrossum, kúm og
kindum, skýrslur um mjólkurær og
-kýr frá 19. öld; gömul fjárhús og
gamlar kindamyndir frá Laugabóli
við Ísafjarðardjúp.
Eins og í fyrri útgáfum eru myndir
í dagatalinu af kindunum, hrossunum
og hundunum í Hvammshlíð – og
stórbrotinni náttúru þar í kring – í
aðalhlutverki. Gömlu mánuðirnir,
merkisdagar, vetrar- og sumarvikur
koma fram á mánaðarsíðunum
sjálfum, ásamt upplýsingum um
tunglið. „Viðaukinn“, sem er í svart-
hvítu, hefur verið uppfærður og
inniheldur enn fleiri upplýsingar um
gamla norræna tímatalið, íslenska
merkisdaga og gamlar íslenskar
mælieiningar.
Dagatalið er í stóru broti á 28
blaðsíðum. Það er til sölu á ýmsum
stöðum á Norðurlandi vestra, í
Borgarnesi og á Selfossi, en einnig
er hægt að panta beint hjá Karólínu.
/smh
Fimmta Hvammshlíðardagatalið gefið út:
Gamlar og nýjar ljósmyndir
ásamt þjóðlegum fróðleik
Hvammshlíðardagatalið fyrir árið
2023.
Helluhraun 4, Hafnarfirði
sími 565 2727 & 892 7502
www.rag.is
SERES 3 kemur
vel útbúinn.
Verð kr. 5.350.000
VIÐ AUGLÝSUM
ALDREI
„VERÐ FRÁ“
VÖRUR FYRIR ÍSLENSKT SAUÐFÉ
BÚVÖRUR SS
Verslun Fosshálsi 1, 110 Reykjavík | S: 575 6071
Verslun Ormsvelli 4, 860 Hvolsvelli | S: 575 6099
Búvörur SS | S: 575-6070 | www.buvorur.is | buvorur@ss.is
Óerfðabreytt ærblanda
og ýmsar vörur fyrir
sauðfjárbændur fást í
verslunum og hjá
sölumönnum okkar á
landsbyggðinni